SUN குழுமத்திலிருந்து வெளிவரும் காலை நாளிதழ்

தங்கம் விலையில் மீண்டும் மாற்றம்: சவரனுக்கு 232 அதிகரிப்பு

2020-10-20@ 01:24:26

சென்னை: தங்கம் விலை நேற்று சவரனுக்கு 232 அதிகரித்தது. விலை குறையும் என்று எதிர்பார்த்த நிலையில் விலை அதிகரிப்பு நகை வாங்குவோரை சற்று அதிர்ச்சியில் ஆழ்த்தியுள்ளது. கொரோனா ஊரடங்கு பிறப்பிக்கப்பட்ட நேரத்தில் தங்கம் விலை வரலாறு காணாத வகையில் உயர்ந்தது. ஆகஸ்ட் 7ம் தேதி ஒரு சவரன் 43,328க்கு விற்கப்பட்டது. இது தங்கம் விலை வரலாற்றில் அதிகப்பட்ச விலையாகும். அதன் பிறகு கடந்த 2 மாதமாக தங்கம் விலை ஏறுவதும், இறங்குவதுமாக இருந்து வருகிறது. கடந்த சனிக்கிழமை யாரும் எதிர்பார்க்காத நிலையில் தங்கம் விலை அதிரடி சரிவை சந்தித்தது. அதாவது, கிராமுக்கு 183 குறைந்து ஒரு கிராம் 4,680க்கும், சவரனுக்கு 1464 குறைந்து ஒரு சவரன் 37,440க்கும் விற்க்கப்பட்டது.

ஞாயிற்றுக்கிழமை விடுமுறை என்பதால் சனிக்கிழமை விலையிலேயே தங்கம் விற்பனையானது. விலை குறைவு, தீபாவளி விசேஷ தினங்கள் என்பதால் ஞாயிற்றுக்கிழமை நகைக்கடைகளில் விற்பனை வழக்கத்தை விட அதிகமாக இருந்தது. ஒரு நாள் விடுமுறைக்கு பிறகு நேற்று காலை தங்கம் மார்க்கெட் தொடங்கியது. அதில் தங்கம் விலை சற்று அதிகரித்து காணப்பட்டது. கிராமுக்கு 10 அதிகரித்து ஒரு கிராம் 4,690க்கும், சவரனுக்கு 80 அதிகரித்து ஒரு சவரன் 37,520க்கும் விற்கப்பட்டது. மாலையில் தங்கம் விலை மேலும் அதிகரித்தது.

அதாவது, கடந்த சனிக்கிழமை விலையை விட கிராமுக்கு 29 அதிகரித்து ஒரு கிராம் 4,709க்கும், சவரனுக்கு 232 அதிகரித்து ஒரு சவரன் 37,672க்கும் விற்கப்பட்டது. வரும் நாட்களில் விசேஷ தினங்கள் மற்றும் தீபாவளி போன்ற பண்டிகைகள் வர உள்ளது. இந்த நேரத்தில் தங்கம் விலை மேலும் சரியும் என்று எதிர்பார்த்து இருந்த மக்கள் விலை உயர்வை கண்டு சற்று அதிர்ச்சியடைந்துள்ளனர்.

மேலும் செய்திகள்

Like Us on Facebook Dinkaran Daily News
  • 04-12-2020

    04-12-2020 இன்றைய சிறப்பு படங்கள்

  • rainpurevi111

    தமிழகத்தை மிரட்டும் புரெவி புயல்... கொட்டும் மழை; கொந்தளிக்கும் கடல் : சாலைகளில் சூழ்ந்த வெள்ளம்!!

  • radish3

    புவியீர்ப்பு சக்தியில்லாத சர்வதேச விண்வெளி நிலையத்தில் முள்ளங்கியை வெற்றிகரமாக வளர்த்த நாசா விஞ்ஞானிகள்!: புகைப்படங்கள்

  • farmers_proteeee11

    மத்திய அரசின் சட்டங்களை எதிர்த்து வீறுகொண்டெழுந்த விவசாயிகள்... டெல்லியில் 8வது நாளாக ஆவேச கோஷங்களை எழுப்பி போராட்டம்!!

  • 03-12-2020

    03-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்