SUN குழுமத்திலிருந்து வெளிவரும் காலை நாளிதழ்

திருப்பதியில் நவராத்திரி பிரமோற்சவம் 4ம் நாள் சர்வ பூபால வாகனத்தில் எழுந்தருளிய மலையப்ப சுவாமி: இன்று மோகினி அலங்காரம்

2020-10-20@ 00:59:51

திருமலை: திருப்பதி ஏழுமலையான் கோயில் நவராத்திரி பிரமோற்சவத்தின் 4ம் நாளான நேற்றிரவு சர்வ பூபால வாகனத்தில் மலையப்ப சுவாமி எழுந்தருளினார். திருப்பதி ஏழுமலையான் கோயிலில் நவராத்திரி பிரமோற்சவம் கடந்த 16ம் தேதி இரவு தொடங்கியது. வருகின்ற 24ம் தேதியுடன் பிரமோற்சவம் நிறைவடைகிறது. பிரமோற்சவத்தின் 3ம் நாளான நேற்று முன்தினம் காலை சிம்ம வாகனத்தில் யோக நரசிம்மர் அலங்காரத்திலும், இரவு முத்து பந்தல் வாகனத்திலும் ஸ்ரீதேவி, பூதேவி சமேத  மலையப்ப சுவாமி எழுந்தருளி அருள்பாலித்தார்.

தொடர்ந்து 4ம் நாளான நேற்று காலை கற்பக விருட்ச வாகனத்திலும், நேற்றிரவு சர்வ பூபால வாகனத்திலும் ஸ்ரீதேவி, பூதேவி சமேத மலையப்ப சுவாமி அருள்பாலித்தார். முன்னதாக சுவாமிக்கு கற்பூர தீபாராதனை காண்பிக்கப்பட்டது. மேலும், அர்ச்சகர்கள் மற்றும் ஜீயர்கள் வேத மந்திரங்கள் முழங்கினர். கொரோனா வைரஸ் பரவலை தடுக்கும் வகையில் நான்கு மாடவீதி உலா, பக்தர்கள் தரிசனம் ரத்து செய்யப்பட்டுள்ளது. இதனால், கல்யாண மண்டபத்திலேயே சுவாமி அருள்பாலித்து வருகிறார். பிரமோற்சவத்தின் 5ம் நாளான இன்று காலை ஸ்ரீதேவி, பூதேவி சமேத மலையப்ப சுவாமி மோகினி அலங்காரத்தில் அருள்பாலிக்க உள்ளார். மேலும், இன்றிரவு கருட வாகனத்தில் எழுந்தருள உள்ளார்.

மேலும் செய்திகள்

Like Us on Facebook Dinkaran Daily News
  • 04-12-2020

    04-12-2020 இன்றைய சிறப்பு படங்கள்

  • rainpurevi111

    தமிழகத்தை மிரட்டும் புரெவி புயல்... கொட்டும் மழை; கொந்தளிக்கும் கடல் : சாலைகளில் சூழ்ந்த வெள்ளம்!!

  • radish3

    புவியீர்ப்பு சக்தியில்லாத சர்வதேச விண்வெளி நிலையத்தில் முள்ளங்கியை வெற்றிகரமாக வளர்த்த நாசா விஞ்ஞானிகள்!: புகைப்படங்கள்

  • farmers_proteeee11

    மத்திய அரசின் சட்டங்களை எதிர்த்து வீறுகொண்டெழுந்த விவசாயிகள்... டெல்லியில் 8வது நாளாக ஆவேச கோஷங்களை எழுப்பி போராட்டம்!!

  • 03-12-2020

    03-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்