SUN குழுமத்திலிருந்து வெளிவரும் காலை நாளிதழ்

உச்ச நீதிமன்ற நீதிபதி ரமணா மீது குற்றச்சாட்டு: ஆந்திர முதல்வர் ஜெகனுக்கு எதிராக புகார்கள் குவிகிறது: நடவடிக்கை எடுக்க வலியுறுத்தல்

2020-10-18@ 01:19:19

புதுடெல்லி: உச்ச நீதிமன்ற மூத்த நீதிபதியாக என்.வி.ரமணா இருக்கிறார். இவர், தெலுங்கு தேசம் கட்சித் தலைவர் சந்திரபாபு நாயுடுவுக்கு ஆதரவாக செயல்படுவதாகவும், ஆந்திர நீதிமன்ற செயல்பாடுகளில் மாநில அரசுக்கு எதிராக தனதுசெல்வாக்கை பயன்படுத்துவதாகவும் குற்றம்சாட்டி,  உச்ச நீதிமன்ற தலைமை நீதிபதி எஸ்,ஏ.பாப்டேவுக்கு ஆந்திர முதல்வர் ஜெகன் மோகன் ரெட்டி கடந்த வாரம் கடிதம் எழுதினார். இது, பெரும் பரபரப்பை ஏற்படுத்தி இருக்கிறது.
இந்நிலையில், ‘நீதிபதி ரமணா மீது ஆதாரமற்ற குற்றச்சாட்டுகளை கூறியுள்ள ஜெகன் மீது வழக்கு பதிவு செய்து  விசாரணை நடத்த வேண்டும்,’ என வழக்கறிஞர் சுனில் குமார் சிங் என்பவர் தலைமை நீதிபதியிடம் கோரியுள்ளார். அதேபோல், ‘ஜெகன் மோகன் ரெட்டி மீது நிதி மோசடி, ஊழல், 30க்கும் மேற்பட்ட கிரிமினல் வழக்குகள் உள்ளன. அவர் முதல்வர் பதவியில் இருப்பதற்கே தகுதி இல்லாதவர். அவரை பதவியை விட்டு நீக்க வேண்டும்,’ என வழக்கறிஞர் ஜி.எஸ்.மணியும் வழக்கு தொடர்ந்துள்ளார்.

இந்நிலையில், உச்ச நீதிமன்ற வழக்கறிஞர்கள் சங்கத்தில் நடத்தப்பட்ட உயர்நிலை கூட்டத்தில், ஜெகனை கண்டித்து தீர்மானம் நிறைவேற்றப்பட்டு உள்ளது. அதில், ‘நீதிமன்றத்தின் மாண்பை கெடுக்கும் விதமாக, மூத்த நீதிபதியை பகிரங்கமாக விமர்சனம் செய்ததை அடிப்படையாகக் கொண்டு, அரசியலமைப்பு சட்டத்தின்படி ஜெகன் மோகன் மீது உச்ச நீதிமன்றம் நடவடிக்கை எடுக்க வேண்டும்,’ என வலியுறுத்தப்பட்டு உள்ளது. மேலும், தலைமை நீதிபதிக்கும் கடிதம் எழுதியுள்ளது. இந்த விவகாரத்தில் உச்ச நீதிமன்றம் விரைவில் நடவடிக்கை எடுக்கும் என தெரிகிறது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்