SUN குழுமத்திலிருந்து வெளிவரும் காலை நாளிதழ்

திம்பம் மலைப்பாதையில் லாரி பழுது: தமிழக - கர்நாடக போக்குவரத்து பாதிப்பு

2020-10-17@ 20:56:46

சத்தியமங்கலம்: சத்தியமங்கலம் அருகே திம்பம் மலைப்பாதையில் லாரி பழுதாகி நின்றதால், தமிழக - கர்நாடக மாநிலங்களிடையே போக்குவரத்து பாதிக்கப்பட்டது. ஈரோடு மாவட்டம் சத்தியமங்கலம் - மைசூர் தேசிய நெடுஞ்சாலையில் பண்ணாரி அம்மன்  கோயிலை அடுத்துள்ள அடர்ந்த வனப்பகுதியில் 27 கொண்டை ஊசி வளைவுகளுடன் கூடிய திம்பம் மலைப்பாதை அமைந்துள்ளது. இம்மலைப்பாதை வழியாக தமிழக - கர்நாடக மாநிலங்களுக்கு இடையே 24 மணி நேரமும் வாகன போக்குவரத்து நடைபெற்று வருகிறது.

இந்நிலையில்  கர்நாடக மாநிலத்தில் இருந்து தமிழகம் நோக்கி வந்த சரக்கு லாரி இன்று காலை 21வது கொண்டை ஊசி வளைவில் திரும்பும் போது பழுது ஏற்பட்டு நகர முடியாமல் நின்றது. இதனால் மலைப்பாதையின் இருபுறமும் வாகனங்கள் செல்ல முடியாமல்  நீண்ட வரிசையில் அணிவகுத்து நின்றன. இது குறித்து தகவலறிந்த ஆசனூர் போலீசார் சம்பவ இடத்திற்கு சென்று போக்குவரத்தை சீர் படுத்தும் பணியில் ஈடுபட்டுள்ளனர். சத்தியமங்கலத்திலிருந்து மெக்கானிக் வரவழைக்கப்பட்டு லாரி பழுது நீக்கும் பணி நடைபெற்று வருகிறது. லாரி பழுது காரணமாக காலை 8 மணி முதல் திம்பம் மலைப்பாதையில் போக்குவரத்து பாதிப்பு ஏற்பட்டுள்ளது.

மேலும் செய்திகள்

Like Us on Facebook Dinkaran Daily News
  • 02-12-2020

    02-12-2020 இன்றைய சிறப்பு படங்கள்

  • pramos1

    கப்பலை மிக துல்லியமாக தாக்கி அழிக்கும் பிரமோஸ் ஏவுகணையை வெற்றிகரமாக பரிசோதித்தது இந்தியா..!!

  • pamaka1

    20% இடஒதுக்கீடு போராட்டம்: சென்னையில் மின்சார ரயில் மீது பாமக-வினர் சரமாரி கல்வீசி தாக்குதல்...புகைப்படங்கள்!!

  • jammuele1

    ஜம்மு - காஷ்மீரில் மாவட்ட வளர்ச்சி கவுன்சில் தேர்தல்!: 2ம் கட்ட வாக்குப்பதிவு தொடங்கியது..ஆர்வமுடன் வாக்களிக்கும் மக்கள்..!!

  • nuclearscientist1

    ஈரானில் கொல்லப்பட்ட அணு விஞ்ஞானியின் உடல் டெஹ்ரான் நகரில் அடக்‍கம்!: இறுதி ஊர்வலத்தில் ஏராளமானோர் பங்கேற்பு..!!

படங்கள் வீடியோ கல்வி சினிமா ஜோ‌திட‌ம்