பிரெஞ்ச் ஓபன் டென்னிஸ்: காலிறுதியில் ரபேல் நடால்; ஹாலெப் அதிர்ச்சி தோல்வி
2020-10-05@ 02:46:23

பாரிஸ்: பிரெஞ்ச் ஓபன் கிராண்ட் ஸ்லாம் டென்னிஸ் தொடரின் ஆண்கள் ஒற்றையர் பிரிவு கால் இறுதியில் விளையாட, ஸ்பெயின் நட்சத்திரம் ரபேல் நடால் தகுதி பெற்றார். நான்காவது சுற்றில் உலக தரவரிசையில் 213வது இடத்தில் உள்ள இளம் அமெரிக்க வீரர் செபாஸ்டியன் கோர்டாவுடன் நேற்று மோதிய நடால் (2வது ரேங்க்), அதிரடியாக விளையாடி 6-1 என்ற கணக்கில் முதல் செட்டை கைப்பற்றி முன்னிலை பெற்றார். இரண்டாவது செட்டிலும் ஆதிக்கத்தை தொடர்ந்த அவர், கோர்டாவின் சர்வீஸ் ஆட்டங்களை மிக எளிதாக முறியடித்து 6-1 என வென்றார். மூன்றாவது செட்டிலும் நடாலின் வேகத்துக்கு ஈடு கொடுக்க முடியாமல் கோர்டா எளிதில் சரணடைய, நடால் 6-1, 6-1, 6-2 என்ற நேர் செட்களில் வெற்றியை வசப்படுத்தி கால் இறுதிக்கு முன்னேறினார்.
இப்போட்டி 1 மணி, 55 நிமிடத்தில் முடிவுக்கு வந்தது. பிரெஞ்ச் ஓபனில் நடால் 12 முறை சாம்பியன் பட்டம் வென்று சாதனை படைத்துள்ளது குறிப்பிடத்தக்கது. மகளிர் ஒற்றையர் பிரிவு 4வது சுற்றில் நேற்று களமிறங்கிய நம்பர் 1 வீராங்கனை சிமோனா ஹாலெப் (ருமேனியா) 1-6, 2-6 என்ற நேர் செட்களில் போலந்தின் இகா ஸ்வியாடெக்கிடம் (19 வயது, 54வது ரேங்க்) அதிர்ச்சி தோல்வியடைந்து ஏமாற்றத்துடன் வெளியேறினார். இப்போட்டி 1 மணி, 8 நிமிடம் மட்டுமே நீடித்தது. இகா முதல் முறையாக கிராண்ட் ஸ்லாம் தொடரின் கால் இறுதியில் விளையாட தகுதி பெற்றுள்ளார். மற்றொரு 4வது சுற்றில் நெதர்லாந்தின் கிகி பெர்டன்ஸ் (5வது ரேங்க்) 4-6, 4-6 என்ற நேர் செட்களில் மார்டினா டிரெவிசானிடம் (159வது ரேங்க்) போராடி தோற்றார்.
Tags:
French Open tennis quarterfinals Rafael Nadal Halep shock defeat பிரெஞ்ச் ஓபன் டென்னிஸ் காலிறுதி ரபேல் நடால் ஹாலெப் அதிர்ச்சி தோல்விமேலும் செய்திகள்
சுந்தர் - தாகூர் ஜோடி அபார ஆட்டம் முதல் இன்னிங்சில் இந்தியா 336 ரன் குவிப்பு: 5 விக்கெட் வீழ்த்தினார் ஹேசல்வுட்
சில்லி பாயின்ட்...
சில்லி பாயின்ட்...
ஆஸ்திரேலியா 369 ரன்னுக்கு ஆல் அவுட் முன்னிலை பெற இந்தியா முனைப்பு
ஆஸ்திரேலியா முதல் இன்னிங்சில் 369 ரன்களுக்கு ஆல் அவுட் : தமிழக வீரர் நடராஜன் 3 விக்கெட்டுகளை வீழ்த்தி அசத்தல்
ஆஸ்திரேலியா 5 விக்கெட்டுக்கு 274 ரன் குவிப்பு: பந்துவீச்சில் நடராஜன் அசத்தல்
அலங்காநல்லூர் ஜல்லிக்கட்டு போட்டியை முதல்வர் பழனிசாமி, துணை முதல்வர் ஓ பன்னீர் செல்வம் கொடியசைத்து தொடங்கி வைத்தனர்
மாட்டு வண்டியை ஒட்டிய மு.க.ஸ்டாலின்... மக்களுடன் அமர்ந்து உணவு சாப்பிட்ட முதல்வர் பழனிசாமி, ராகுல் காந்தி!!
16-01-2021 இன்றைய சிறப்பு படங்கள்
14-01-2021 இன்றைய சிறப்பு படங்கள்
9 மாதங்களுக்கு பிறகு தியேட்டரில் ‘மாஸ்டர்’ ரிலீஸ்!: விஜய் ரசிகர்கள் கொண்டாட்டம்..புகைப்படங்கள்