SUN குழுமத்திலிருந்து வெளிவரும் காலை நாளிதழ்

அக்.15 முதல் நவ.30ம் தேதி வரை 200 கூடுதல் சிறப்பு ரயில்கள்: ரயில்வே வாரிய தலைவர் தகவல்

2020-10-02@ 00:08:59

புதுடெல்லி:  கொரோனா ஊரடங்கை தொடர்ந்து, கடந்த மார்ச் 22ம் ேததியில் இருந்து பயணிகள் ரயில்களை ரயில்வே இயக்கவில்லை. கடந்த மே, ஜூன் மாதங்களிலும் கடந்த 12ம் தேதியும் சில சிறப்பு ரயில்கள் இயக்கப்பட்டன. இந்நிலையில், ரயில்வே வாரிய தலைவர் மற்றும் தலைமை செயல் அதிகாரி வி.கே.யாதவ் நேற்று கூறுகையில், ‘மண்டல பொது மேலாளர்களுடன் ஆலோசனைக் கூட்டம் நடத்தப்பட்டு, கொரோனா பரவல் நிலை குறித்து, உள்ளூர் அதிகாரிகளுடன் ஆலோசனை நடத்தி ஆராயுமாறு கூறப்பட்டுள்ளது. அவர்களிடம் அறிக்கை பெற்ற பிறகு, விடுமுறைக்கால ரயில்கள் இயக்குவது பற்றி முடிவு செய்யப்படும். தற்போது, கூடுதலாக 200 சிறப்பு ரயில்கள் இயக்க திட்டமிடப்பட்டுள்ளது.

இந்த எண்ணிக்கை பின்னர் உயரலாம். பயணிகள் ரயில்களை பொறுத்தவரை, ரயில் தேவைகள் மற்றும் கொரோனா நிலவரங்களை தினசரி ஆய்வு செய்து வருகிறோம். தேவை ஏற்படும்போது ரயில்கள் இயக்கப்படும் என்றார். சரக்கு போக்குவரத்து இணையதளம்: சரக்கு ரயில்கள் போக்குவரத்துக்கு முக்கியத்துவம் அளித்து வரும் ரயில்வே, இதற்கென https://fois.indianrail.gov.in/RailSAHAY/ என்ற தனி இணையதளம் உருவாக்கியுள்ளது. இதில், வாடிக்கையாளர்கள் புகார் செய்யலாம். சரக்கு செல்லும் இடத்தையும் அறிந்து கொள்ளும் வசதி உள்ளது. கடந்த மாதம் ரயில்வே சரக்கு போக்குவரத்து மூலம் 9,896.86 கோடி வருவாய் ஈட்டியுள்ளது. இது முந்தைய ஆண்டை விட 13.54 சதவீதம் உயர்வு.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்