SUN குழுமத்திலிருந்து வெளிவரும் காலை நாளிதழ்

சிவில் சர்வீஸ் மெயின் தேர்வு எழுதும் மாணவர்களுக்கு இலவச இணையவழி பயிற்சி வகுப்புகள்: தமிழக அரசு அறிவிப்பு

2020-10-02@ 00:02:51

சென்னை: ‘சிவில் சர்வீஸ் மெயின் தேர்வு எழுதும் மாணவர்களுக்கு இலவச இணையவழி பயிற்சி வகுப்புகள் நடைபெறும்’ என்று தமிழக அரசு அறிவித்துள்ளது. தமிழக அரசின் அகில இந்தியக் குடிமைப் பணித் தேர்வுப் பயிற்சி மையம் நேற்று வெளியிட்ட அறிவிப்பு: அகில இந்தியக் குடிமைப் பணி முதன்மை தேர்வுக்கு(மெயின்)தயாராகும் மாணவர்களுக்கு உதவும் வகையில் வருகிற 5ம் தேதி முதல் 12ம் தேதி முடிய (சனி, ஞாயிறு நீங்கலாக) ஆறு நாள்களுக்கு இலவச இணையவழிப் பயிற்சி வகுப்புகள், தமிழ்நாடு மாநில அரசின் (சென்னைப் பசுமைவழிச் சாலையில் இயங்கும்) அகில இந்தியக் குடிமைப் பணித் தேர்வுப் பயிற்சி மையத்தால் நேரலையில் நடத்தப்பட உள்ளன.

இதில் யூடியூப் வழியே ஆர்வமுள்ள அனைவரும் இணைந்துகொள்ளலாம். மாணவர்களுக்கும் இளைஞர்களுக்கும் கல்வித்துறையினருக்கும் பயன்படும் வகையில் தமிழிலக்கியம், ஆங்கில இலக்கியம், இந்திய வரலாறு, புவியியல், தொடக்கக்காலத் தமிழக வரலாறு, உலகப் பொருளாதாரச்சூழல், இந்தியப் பொருளாதாரச் சூழல், அறிவியல், இந்திய அரசியல் அமைப்பு, கோயில்களும் கட்டடக் கலையும், மன அழுத்த மேலாண்மை, சூழலியல் எனப் பல்வேறு பாடத் தலைப்புகளில் மிகச் சிறந்த அறிஞர்கள் பங்கேற்றுக் கருத்துரையாற்ற உள்ளனர்.

அகில இந்தியக் குடிமைப் பணித் தேர்வுக்குரிய பாடங்களை அனைவருக்கும் கற்பிக்கும் நோக்கிலும், திறமையும் ஆர்வமும் உழைப்புமுள்ள இளைஞர்களை அகில இந்தியக் குடிமைப் பணித் தேர்வுப் பயிற்சி மையம் நோக்கி ஆற்றுப்படுத்தும் நோக்கிலும் காலை 11.00-12.30 மற்றும் பிற்பகல் 2.00-3.30 என்ற இரு வேளைகளில் இக்கருத்துரைகள் ஒழுங்கு செய்யப்பட்டுள்ளன. இது ஓர் அரிய வாய்ப்பு. இதில் கலந்துகொள்ளப் பதிவுகள் ஏதும் தேவையில்லை. முயற்சியும் தேடலும் உள்ளோர் அனைவரும்,www.civilservicecoaching.com, Youtube Name:  AICSCCTN இணைப்புவழி இந்நிகழ்வில் கலந்துகொண்டு பயன்பெறலாம். இவ்வாறு அறிவிப்பில் கூறப்பட்டுள்ளது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்