SUN குழுமத்திலிருந்து வெளிவரும் காலை நாளிதழ்

சமூக இடைவெளியுடன் இயக்கினால் வருவாய் கிடைக்காது: தனியார் மினி பஸ்கள் இயக்கம் நிறுத்தம்

2020-10-01@ 14:59:29

ஊட்டி: தனி மனித இடைவெளியை கடைபிடித்து இயக்கினால் வருவாய் கிடைக்காது என்பதால் நீலகிரி மாவட்டத்தில் கடந்த 6 மாதங்களாக தனியார் மினி பஸ்கள் இயக்கப்படாமல் நிறுத்தி வைக்கப்பட்டுள்ளன. இதனால் ஓட்டுநர்கள், நடத்துனர்கள் வேலையிழந்துள்ளனர்.

தமிழகத்தில் கடந்த மாதம் 1ம் தேதி முதல் பஸ் போக்குவரத்திற்கு தமிழக அரசு அனுமதி அளித்தது. அதனைத்தொடர்ந்து 7ம் தேதி முதல் மாவட்டங்களுக்கு இடையேயும் பஸ்கள் இயக்கப்பட்டு வருகின்றன. அரசு பஸ்கள் இயக்க அனுமதிக்கப்பட்ட நிலையில் ஒவ்வொரு முறையும் கிருமி நாசினி கொண்டு பஸ்கள் தூய்மைப்படுத்த வேண்டும். பயணிகளுக்கு கிருமி நாசினி வழங்க வேண்டும். கட்டாயம் முக கவசம் அணிய வேண்டும்.

தனி மனித இடைவெளியை கடைபிடிக்க வேண்டும் என்பது போன்ற பாதுகாப்பு நடைமுறைகளை முழுமையாக கடைபிடிக்க வேண்டும். 35 பயணிகளை மட்டுமே ஏற்ற வேண்டும் என பல்வேறு பாதுகாப்பு வழிமுறைகள் பின்பற்றப்பட வேண்டும் என அரசு அறிவுறுத்தியது. இதனை பின்பற்றி பஸ்கள் இயக்கப்பட்டு வருகின்றன. அரசு பஸ்களிலும் குறைந்த அளவிலான பயணிகளே சென்று வருகின்றனர். லாபம் இல்லையென்றாலும் சேவை அடிப்படையில் இயக்கப்படுகின்றன.
தனியார் மினி பஸ்களை பொறுத்தவரை கூட்டமாக பயணிகளை ஏற்றி சென்றால்தான் வருவாய் கிடைக்கும்.

அதிலும் நீலகிரி போன்ற மலை மாவட்டங்களில் டீசல் மைலேஜ் குறைவு என்பதால் மினி பஸ்களுக்கு பெரிய அளவில் வருவாய் கிடைக்காது. இந்த சூழலில் கொரோனா வழிகாட்டி நெறிமுறைகளை பின்பற்றி தனிமனித இடைவெளியை கடைபிடித்து கூட்டம் குறைவாக மினி பஸ்களை இயக்கினால் போதிய வருவாய் கிடைக்காது என்பதால் நீலகிரி மாவட்டத்தில் ஊட்டி, குன்னூர், கோத்தகிரி, கூடலூர் உள்ளிட்ட பகுதிகளில் கடந்த 6 மாதங்களாக தனியார் மினி பஸ்கள் இயக்கப்படாமல் சாலையோரங்களில் நிறுத்தி வைக்கப்பட்டுள்ளன. இவற்றை சுற்றிலும் புற்களும் செடிகளும் வளர்ந்துள்ளன. இதனை நம்பியிருந்த ஓட்டுநர்கள், நடத்துனர்கள் வேலையிழந்துள்ளனர்.

இது குறித்து தனியார் மினி பஸ் உரிமையாளர் ஒருவர் கூறுகையில், ‘‘நீலகிரி மாவட்டத்தை பொறுத்தவரை ஊட்டி உட்பட 4 தாலுகாக்களில் மினி பஸ்கள் இயக்கப்படுகிறது. கொரோனா ஊரடங்கு காரணமாக போக்குவரத்து நிறுத்தப்பட்டது. கடந்த 1ம் தேதி முதல் பஸ்கள் இயக்க அனுமதி வழங்கப்பட்ட நிலையில், பெரிய பஸ்களில் 35 சீட்டுகள் மட்டுமே ஏற்ற வேண்டும் என தெரிவிக்கப்பட்டுள்ளது.

மினிபஸ் என்றால் 20 பேர் வரை மட்டுமே ஏற்ற முடியும். டிக்கெட் கட்டணமும் குறைவு என்பதால், மிக குறைவாக பயணிகளை ஏற்றி ஓட்டுநர்கள், நடத்துனர்களுக்கு சம்பளம் வழங்கும் அளவிற்குகூட வசூல் ஆகாது. அதனால் மினி பஸ்களை இயக்காமல் நிறுத்தி வைத்துள்ளோம். கொரோனா தொற்று சரியானால்தான், மினி பஸ்கள் இயக்க முடியும் என்பதால் மீண்டும் மினி பஸ்கள் இயக்குவது இப்போதைக்கு இருக்க வாய்ப்பில்லை’’ என்றனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்