SUN குழுமத்திலிருந்து வெளிவரும் காலை நாளிதழ்

உத்தரபிரதேசத்தில் பாலியல் வன்கொடுமை செய்தவர்கள் சுதந்திரமாக உலாவுகின்றனர்..பெண்களுக்கு பாதுகாப்பு இல்லை.. மாயாவதி கடும் தாக்கு!!

2020-10-01@ 13:16:26

லக்னோ : உத்தரப்பிரதேச முதல்வர் யோகி ஆதித்யநாத் தமது பதவியை ராஜினாமா செய்ய வேண்டும் என்று பகுஜன் சமாஜ் கட்சி தலைவரும், உத்தரப்பிரதேச மாநில முன்னாள் முதல்வருமான மாயாவதி வலியுறுத்தியுள்ளார். உத்தர பிரதேசத்தில் முதல்வர் யோகி ஆதித்யநாத் தலைமையில் பா.ஜ.க. ஆட்சி நடைபெற்று வருகிறது. அந்த மாநிலத்தில் அண்மையில், ஹத்ராஸில் பாலியல் பலாத்காரத்துக்கு ஆளான 19 வயத தலித் பெண் சிகிச்சை பலனின்றி மருத்துவமனையில் உயிரிழந்தார். இந்த சம்பவம் நாடு முழுவதும் பெரும் கொந்தளிப்பை ஏற்படுத்தியுள்ளது. இந்த கொந்தளிப்பு அடங்குவதற்குள் அந்த மாநிலத்தில் ஹத்ராஸ் பெண்ணுக்கு நேர்ந்தது போலவே மற்றொரு பெண்ணுக்கும் நேர்ந்துள்ளது. பல்ராம்பூர் பகுதியை சேர்ந்த 22 வயதான பெண் கூட்டுப் பலாத்காரம் செய்து கொல்லப்பட்டுள்ளார். பல்ராம்பூரில் நடந்த பலாத்கார சம்பவம் மற்றும் கொலையில் இருவர் கைது செய்யப்பட்டுள்ளதாக போலீஸார் தரப்பில் தெரிவிக்கப்பட்டது.

இந்த நிலையில், மேற்கண்ட 2 சம்பவங்கள் குறித்து பகுஜன் சமாஜ் கட்சி தலைவர் மாயாவதி செய்தியாளர்களை சந்தித்து பேசியுள்ளார். அவர் அளித்த பேட்டியில், ''உத்தரப்பிரதேசத்தில் சட்டம் - ஒழுங்கு சரியில்லை. சட்டத்தின் ஆட்சி நடைபெறவில்லை. யோகி ஆதித்யநாத் தலைமையில் உத்தரப் பிரதேசத்தில் காட்டாட்சி நடைபெறுகிறது. முதலமைச்சர் யோகி ஆதித்யநாத் தலைமையிலான அரசு, உ.பி.யில் பெண்களைப் பாதுகாக்கத் தவறியதால், மாநிலத்தில் ஜனாதிபதி ஆட்சியை மத்திய அரசு அமல்படுத்த வேண்டும். பாஜக தலைமையிலான உத்தரபிரதேச அரசின் கீழ் குற்றவாளிகள், மாஃபியாக்கள் மற்றும் கற்பழிப்பாளர்கள் சுதந்திரமாக உலாவுகின்றனர்.

சமூகத்தின் அனைத்து பிரிவுகளிலும் உள்ள மக்கள், இந்த அரசாங்கத்தின் மீது அதிருப்தி அடைந்துள்ளனர், அனைத்து வகையான குற்றங்களும் இந்த மாநிலத்தில் அதிகரித்துள்ளது, உ.பி.யின் மகள்கள் எவரும் பாதுகாப்பாக இல்லை..குறிப்பாக தலித் சமூகத்திலிருந்து வரும் சிறுமிகள் பாதுகாப்பாக இல்லவே இல்லை. யோகி ஆதித்யநாத் அவர்களும் ஒரு பெண்ணால் பெற்றெடுக்கப்பட்டீர்கள் என்பதை நினைவூட்ட விரும்புகிறேன், மற்ற பெண்களையும் அவரது சொந்த மகள்களாக நடத்த முயல வேண்டும். பெண்களின் பாதுகாப்பை உறுதிசெய்ய இயலவில்லை என்றால், முதல்வர் பதவியை யோகி ஆதித்யநாத் ராஜினாமா செய்ய வேண்டும். யோகி ஆதித்யநாத்தை அவரது இடமான கோரக்நாத் கோயிலுக்கு அனுப்ப வேண்டும். அவர் கோயிலில் இருப்பதை விரும்பவில்லை என்றால் ராம் கோயில் கட்டுமானப் பணிகளுக்கு மத்திய அரசு அனுப்பி வைக்க வேண்டும்'' என்று மாயாவதி வலியுறுத்தியுள்ளார்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்