SUN குழுமத்திலிருந்து வெளிவரும் காலை நாளிதழ்

பொய்யர், கோமாளி - பிடென் பெரிய புத்திசாலியா? - டிரம்ப்: அமெரிக்க அதிபர் வேட்பாளர்கள் நேரடி விவாதம்

2020-10-01@ 00:47:25

வாஷிங்டன்: அமெரிக்காவில் அதிபர் தேர்தலில் போட்டியிடும் அதிபர் டிரம்ப்பும், ஜோ பிடெனும் நேற்று முன்தினம் முதல் முறையாக நேருக்கு நேர் கடுமையாக வாதிட்டனர். அமெரிக்காவில் நவம்பர் 3ம் தேதி அதிபர் தேர்தல் நடைபெற உள்ளது. இதில், எதிர்க்கட்சியான ஜனநாயக கட்சி சார்பில் முன்னாள் துணை அதிபர் ஜோ பிடெனும், குடியரசு கட்சி சார்பில் அதிபர் டிரம்ப் 2வது முறையாகவும் போட்டியிடுகின்றனர். இருவரும் அனல் பறக்கும் பிரசாரத்தில் ஈடுபட்டு வருகின்றனர். இதில், தனிநபர் தாக்குதல் அதிகளவில் நடக்கிறது. இந்நிலையில், ஓகியோ மாகாணத்தில் உள்ள கிளிவ்லேண்டில் இருவரும் பங்கேற்ற நேருக்கு நேர் விவாத நிகழ்ச்சி நேற்று முன்தினம் முதல்முறையாக நடைபெற்றது.

இதில் முதலில் பேசிய டிரம்ப், ‘‘நீங்கள் (பிடென்) மட்டும் ஆட்சியில் இருந்திருந்தால், அமெரிக்காவில் கொரோனாவுக்கு 20 லட்சம் பேர்  இறந்திருப்பார்கள். இந்த வைரசை பரப்பிய சீனாவின் மீது தடை விதிப்பதை நீங்கள் விரும்பவில்லை,’’ என்றார். இதற்கு பதிலளித்து பிடென் பேசுகையில், ‘‘இதுவரை அவர் (டிரம்ப்) கூறிய அனைத்துமே பொய். அவர் ஒரு பொய்யர். கொரோனா தொற்றுக்கு எதிரான திட்டம் எதுவுமே அவரிடம் இல்லை. இவர் ஒரு கோமாளி, முட்டாள்,’’ என்றார்.
இதற்கு பதிலடி கொடுத்த டிரம்ப், ‘‘உங்களை போன்ற புத்திசாலியை பார்க்க முடியாது. 47 ஆண்டுகளாக நீங்கள் எதையும் செய்யவில்லை. நீங்கள்தான் பெரிய பொய்யர்.” என்றார். இவ்வாறு இருவரும் தனிப்பட்ட முறையில் கடுமையாக தாக்கிக் கொண்டதால், விவாதத்தில் பெரும் பரபரப்பு ஏற்பட்டது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்