SUN குழுமத்திலிருந்து வெளிவரும் காலை நாளிதழ்

கள்ள காதலை தட்டி கேட்டதால் போலீஸ் வெறிச்செயல் : ம.பியில் மனைவியை தாக்கிய போலீஸ் டி.ஜி.பி பொறுப்பிலிருந்து விடுவிப்பு!!

2020-09-29@ 12:16:09

போபால்: மத்திய பிரதேசத்தில் கள்ள காதலை தட்டி கேட்ட மனைவியை கண்மூடித்தனமாக அடித்து உடைத்த போலீஸ் டி.ஜி.பி பொறுப்பிலிருந்து விடுவிக்கப்பட்டுள்ளார். மத்திய பிரதேச காவல் துறையில் டி.ஜி.பியாக பணியாற்றி வரும் புருஷோத்தம் ஷர்மா என்பவரே நடவடிக்கைக்கு ஆளானவர். திருமணமாகி 32 ஆண்டுகள் ஆன புருஷோத்தம் ஷர்மாவுக்கு திருமணத்தை தாண்டிய உறவு இருந்ததாக கூறப்படுகிறது. காதலியின் வீட்டில் இருந்த இவரை கையும் களவுமாக மனைவி பிடித்துள்ளார். இதனால் ஆத்திரமடைந்த புருஷோத்தம் மனைவியை கண்மூடித்தனமாக தாக்கி இருக்கிறார்.

போலீஸ் உயர் அதிகாரி ஒருவரே மனைவியை அடித்து உதைக்கும் காட்சிகள் இணையத்தில் வைரலாகின. இதையடுத்து வருமான வரித் துறையின் துணை கமிஷனராக உள்ள புருஷோத்தம் ஷர்மாவின் மகன் பார்த், இந்த தாக்குதலின் வீடியோவை மாநில உள்துறை அமைச்சர் நரோட்டம் மிஸ்ரா மற்றும் சில மூத்த அதிகாரிகளுக்கு அனுப்பி, தனது தந்தை மீது புகார் பதிவு செய்யுமாறு கேட்டுக்கொண்டார். இதற்கிடையில் புருசோத்தமன் மீது கடும் நடவடிக்கை எடுக்க வேண்டுமென்று தேசிய பெண்கள் ஆணைய தலைவர் ரேகா ஷர்மா மத்திய பிரதேச முதல்வருக்கு கடிதம் எழுதியுள்ளார்.

அந்த கடிதத்தில் மூத்த காவல்துறை அதிகாரி ஒருவரே பெண் ஒருவரை கடுமையாக தாக்கியது தவறான வழிகாட்டுதலை தருகிறது. இது எங்களுக்கு கவலை அளிக்கிறது. எனவே இந்த விஷயத்தில் நீங்கள் தலையிட்டு, வன்முறையில் ஈடுட்ட அதிகாரி மீது நடவடிக்கை எடுக்க வேண்டும் என்று கூறினார். இதையடுத்து புருஷோத்தம் ஷர்மா டி.ஜி.பி, பொறுப்பிலிருந்து விடுவிக்கப்பட்டுள்ளார்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்