SUN குழுமத்திலிருந்து வெளிவரும் காலை நாளிதழ்

அமி கோனி பாரெட் பெயர் பரிசீலனை: உச்ச நீதிமன்ற நீதிபதியை நியமிக்க டிரம்ப் அவசரம்: பிடென் கடும் எதிர்பபு

2020-09-27@ 01:10:16

வாஷிங்டன்: அமெரிக்க உச்ச நீதிமன்றத்தில் நீதிபதி ரூம் பேடர் கின்ஸ்பர்க் மறைவினால் ஏற்பட்டுள்ள காலியிடத்தில் நீதிபதி அமிகோனி பாரெட் நியமிக்க, அதிபர் டிரம்ப் பரிசீலித்து வருகிறார். அமெரிக்க உச்ச நீதிமன்றத்தில் ஒவ்வொரு வழக்கையும்  ஒன்பது நீதிபதிகளும் ஒன்றாக அமர்ந்து விசாரிப்பார்கள். உலகின் பிற நாடுகளில் உள்ளதை போன்று அவர்களுக்குப் பணி ஓய்வு கிடையாது. இறக்கும் வரை அவர்கள் பணியாற்றலாம். இந்நிலையில், அமெரிக்க உச்ச நீதிமன்றத்தில் கருப்பர்கள், பெண்களின் உரிமைகளுக்காகக் குரல் கொடுத்த நீதிபதி ரூத் பேடர் கின்ஸ்பர்க், தனது 87வது வயதில் புற்றுநோயால் கடந்த 19ம் தேதி காலமானார். இவர் 27 ஆண்டுகள் உச்ச நீதிமன்றத்தில் நீதிபதியாக இருந்துள்ளார்.  இவர் இறந்ததை அடுத்து காலியாக உள்ள பணியிடத்துக்கு நீதிபதி அமிகோனி பாரெட் பெயரை அதிபர் டிரம்ப் பரிந்துரைக்க உள்ளார். 48 வயதாகும் பாரெட், தற்போது 7வது சர்கியூட் மேல்முறையீட்டு நீதிமன்ற நீதிபதியாக இருக்கிறார். இப்பதவிக்கும் அவருடைய பெயரை அதிபர் டிரம்ப்தான் கடந்த 2017ல் பரிந்துரை செய்தார்.

 எனவேதான், கடும் எதிர்ப்பையும் மீறி, உச்ச நீதிமன்ற நீதிபதி பதவிக்கு டிரம்ப் இவரை பரிந்துரைக்க உள்ளார். அதிபர் தேர்தல் நெருங்கி விட்ட நிலையில், உச்ச நீதிமன்ற நீதிபதி பதவியை நிரப்ப டிரம்ப் முனைப்பு காட்டுவதற்கு, அதிபர் தேர்தலில் அவரை எதிர்த்து போட்டியிடும் ஜனநாயக கட்சியின் வேட்பாளர் ஜோ பிடென் கடும் எதிர்ப்பு தெரிவித்துள்ளார். ‘தபால் வாக்குப்பதிவில் குளறுபடி ஏற்பட்டு, அதிபர் தேர்தலில் தான் தோற்றால் உச்ச நீதிமன்றத்தில் வழக்கு தொடர்வேன்,’ என டிரம்ப் ஏற்கனவே அறிவித்துள்ள நிலையில், இந்த நியமனம் மிகவும் முக்கியத்துவத்தை பெற்றுள்ளது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்