SUN குழுமத்திலிருந்து வெளிவரும் காலை நாளிதழ்

ஒரு வாரமாக விலை குறைந்து வந்த நிலையில் தங்கம் சவரனுக்கு 200 அதிகரிப்பு: நகை வாங்குவோர் மீண்டும் அதிர்ச்சி

2020-09-26@ 00:03:43

சென்னை: ஒருவாரமாக குறைந்து வந்த தங்கம் நேற்று சவரனுக்கு 200 அதிகரித்தது. தங்கம் விலை திடீரென அதிகரித்து இருப்பது நகை வாங்குவோரை மீண்டும் அதிர்ச்சிக்குள்ளாக்கியுள்ளது. தங்கம் விலையில் இந்த மாதம் தொடக்கத்தில் இருந்து ஏற்றம், இறக்கம் நிலை இருந்து வந்தது. கடந்த 19ம் தேதி ஒரு சவரன் 39,664, 20ம் தேதி ஞாயிற்றுக்கிழமை விடுமுறை. 21ம் தேதி 39,320, 22ம் தேதி 38,800, 23ம் தேதி 38,560க்கும் விற்கப்பட்டது. இந்த நிலையில் நேற்று முன்தினம் கிராமுக்கு 56 குறைந்து ஒரு கிராம் 4,764க்கும், சவரனுக்கு 448 குறைந்து ஒரு சவரன் 38,112க்கும் விற்கப்பட்டது. இதன் மூலம் ஒரு வாரத்தில் மட்டும் தங்கம் விலை சவரனுக்கு 1,552 அளவுக்கு குறைந்தது. அதே நேரத்தில் தங்கம் விலை பவுன் 38 ஆயிரத்துக்குள் வந்தது. இது நகை வாங்குவோரை சந்தோஷத்தில் ஆழ்த்தியிருந்தது. தங்கம் விலை இன்னும் குறைய தான் வாய்ப்புள்ளதாக நகை வியாபாரிகள் கூறி வந்தனர்.

இந்த நிலையில் நேற்று காலையில் யாரும் எதிர்ப்பார்க்காத வகையில் தங்கம் விலை அதிரடியாக உயர்வை சந்தித்தது. காலை நிலவரப்படி கிராமுக்கு 41 அதிகரித்து ஒரு கிராம் 4,805க்கும், சவரனுக்கு 328 அதிகரித்து ஒரு சவரன் 38,440க்கும் விற்கப்பட்டது. மாலை நிலவரப்படி காலையில் விற்பனையான விலையை விட தங்கம் விலை சற்று குறைந்தது. அதே நேரத்தில் நேற்று முன்தினம் விலையை விட கிராமுக்கு 25 அதிகரித்து ஒரு கிராம் 4,789க்கும், சவரனுக்கு 200 அதிகரித்து ஒரு சவரன் 38,312க்கும் விற்கப்பட்டது. தங்கம் விலை திடீரென உயர்ந்துள்ளது நகை வாங்குவோரை கடும் அதிர்ச்சிக்குள்ளாக்கியுள்ளது.


மேலும் செய்திகள்

Like Us on Facebook Dinkaran Daily News
  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

  • vietnam22

    வியட்நாமை துவம்சம் செய்த கனமழை!: வெள்ளம், நிலச்சரிவு போன்ற இயற்கைபேரிடர்களில் சிக்கி 111 பேர் பலி.. பலர் மாயம்..!!

படங்கள் வீடியோ கல்வி சினிமா ஜோ‌திட‌ம்