SUN குழுமத்திலிருந்து வெளிவரும் காலை நாளிதழ்

பேஸ்புக், டிக்டாக்கை ெதாடர்ந்து ‘பப்ஜி’ விளையாட்டில் மலர்ந்த காதல்: திருவட்டார் காவல் நிலையத்தில் ஜோடி தஞ்சம்: கோயிலில் மாலை மாற்றி திருமணம்

2020-09-25@ 00:05:23

குலசேகரம்: முகநூல் காதல், டிக்டாக் காதல் என்று காலத்திற்கு ஏற்றாற்போல் காதலும் மாற தொடங்கி விட்டது. இதில் தற்போது ‘பப்ஜி’ காதலும் இணைந்துள்ளது. குமரி மாவட்டம் திருவட்டார் அருகே செறுகோல் பகுதியை சேர்ந்த மரவியாபாரி சசிகுமார். இவருக்கு 2 மகள்கள். இளைய மகள் பபிஷா(20) திருவிதாங்கோடு பகுதியிலுள்ள தனியார் கலை கல்லூரியில் முதலாம் ஆண்டு படித்து வந்த இவர் பாதியிலேயே படிப்பை நிறுத்தி விட்டார். வீட்டில் இருந்த இவர் மொபைல் போனில் மணிக்கணக்கில் பப்ஜி விளையாடுவார். பெற்றோரும் இதை கண்டுகொள்ளாமல் இருந்து விட்டனர். ஆனால் இந்த விளையாட்டு விபரீதமாக மாறிவிட்டது.

இவருடன், திருவாரூர் மாவட்டத்தை சேர்ந்த டேனியல் என்பவரது மகன் அஜின் பிரின்ஸ் (24) என்பவரும் இணைந்து பப்ஜி விளையாடி இருக்கிறார். விளையாட்டில் ஆரம்பித்த நட்பு  நாளடைவில் இருவரும் போனில் பேசி பழகும் அளவுக்கு முன்னேற்றம் அடைந்தது. இதையடுத்து ஒருவரை ஒருவர் காதலிக்கத் தொடங்கினர். இந்த நிலையில் கடந்த 19ம் தேதி வீட்டில் இருந்து வெளியேறிய பபிஷா, காரில் காத்திருந்த பப்ஜி காதலன் அஜின் பிரின்சுடன் தலைமறைவானார். இதில் அதிர்ச்சியடைந்த பபிஷாவின் தந்தை சசிகுமார் ‘மகளை காணவில்லை என்று திருவட்டார் காவல்நிலையத்தில் புகார்’ செய்தார். போலீசார் வழக்குபதிந்து காதல் ஜோடியை தேடிவந்தனர்.

இதை அறிந்த காதலர்கள் கடந்த 22ம் தேதி காவல்நிலையத்தில் தஞ்சம் அடைந்தனர். இது குறித்து போலீசார் பெற்றோருக்கு தகவல் தெரிவித்தனர். காவல்நிலையம் வந்த அஜின் பிரின்ஸின் பெற்றோர் இவர்கள் காதலை ஏற்கவில்லை. ஆனால் இருவரும் மேஜர் என்பதால் போலீசார் அவர்களை சேர்த்து அனுப்பி வைத்தனர். இதையடுத்து இரு குடும்பத்தினர் முன்னிலையில் அருகிலுள்ள கோயிலில் காதல் ஜோடிகள் மாலை மாற்றி திருமணம் செய்து கொண்டனர்.


மேலும் செய்திகள்

Like Us on Facebook Dinkaran Daily News
  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

  • vietnam22

    வியட்நாமை துவம்சம் செய்த கனமழை!: வெள்ளம், நிலச்சரிவு போன்ற இயற்கைபேரிடர்களில் சிக்கி 111 பேர் பலி.. பலர் மாயம்..!!

படங்கள் வீடியோ கல்வி சினிமா ஜோ‌திட‌ம்