SUN குழுமத்திலிருந்து வெளிவரும் காலை நாளிதழ்

16 வகையான காய்கறிகளுக்கு நவ.1 முதல் விலை நிர்ணயம் : கேரள அரசு அதிரடி

2020-09-23@ 15:07:40

திருவனந்தபுரம், :கேரளாவில் நவம்பர் 1 முதல் 16 வகையான காய்கறிகளுக்கு குறைந்தபட்ச விலை நிர்ணயம் செய்யப்பட்டு விற்பனைக்கு வருகின்றன.கேரளாவில் உற்பத்தி செய்யப்படும் 16 வகையான பழங்கள் மற்றும் காய்கறிகளுக்கு குறைந்தபட்ச விற்பனை விலையை நிர்ணயிப்பது குறித்த விவாதங்கள் இறுதி கட்டத்தில் உள்ளன. முதல்வர் பினராயி விஜயன் நவம்பர் 1 முதல் இந்த காய்கறிகளுக்கான குறைந்தபட்ச விலையை அறிவிப்பார் என்று விவசாயத்துறை தெரிவித்துள்ளது.

உற்பத்தி செலவைவிட 15 முதல் 25 சதவீதம் கூடுதலாக இந்த குறைந்தபட்ச விலை நிர்ணயிக்கப்படும் என்று தெரிகிறது. ஆனால் குறைந்தபட்ச விலையைவிட சந்தைவிலை குறைவாக இருந்தால், இந்த வேறுபாட்டை அரசாங்கம் ஏற்கும். அதேபோல குறைந்தபட்ச விலை ஒவ்வொரு ஆண்டும் மறுநிர்ணயம் செய்யப்படும். பழங்கள், காய்கறிகளை சேமித்து பதப்படுத்துவதில் உள்ள சிரமத்தை கணக்கில் கொண்டு இந்த குறைந்தபட்ச விலை தீர்மானிக்கப்படும் என்று விவசாயத்துறை தெரிவித்துள்ளது. வாழைப்பழங்கள், அன்னாசி, மரச்சீனி கிழங்கு, தடியங்காய், வெள்ளரி, பாகற்காய், புடலங்காய், பயறு, தக்காளி, வெண்டைக்காய், முட்டைக்கோஸ், கேரட், உருளைக்கிழங்கு, பீன்ஸ், பீட்ரூட், பூண்டு (காந்தல்லூர்) ஆகிய 16 இனங்களுக்கு இந்த குறைந்தபட்ச விலை நிர்ணயிக்கப்படுகிறது.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்