SUN குழுமத்திலிருந்து வெளிவரும் காலை நாளிதழ்

10 ஆண்டாக அலைந்தும் இலவச வீடு கிடைக்காததால் 2 மகளுடன் தற்கொலை செய்வேன்: தொழிலாளி மனுவால் பரபரப்பு

2020-09-22@ 12:35:39

திருவாரூர்: திருவாரூரை சேர்ந்த தொழிலாளி ஒருவர் கடந்த பத்து வருடமாக இலவச வீடு கேட்டு வரும் நிலையில் கிடைக்காததால் 2 மகளுடன் தற்கொலை செய்து கொள்ளப் போவதாக மனு அளித்துள்ள சம்பவம் பெரும் பரபரப்பினை ஏற்படுத்தியது.

திருவாரூர் பெரியார் தெருவில் வசித்து வருபவர் செந்தில் (43). சமையல் தொழிலாளியான இவருக்கு கடந்த 12 வருடத்துக்கு முன்னர் மரகதம் என்ற பெண்ணுடன் திருமணம் நடைபெற்ற நிலையில் சில ஆண்டுகளிலேயே மரகதம் உடல்நலக்குறைவால் இறந்து விட்டார். இந்நிலையில் தனது 2 மகள்களுடன் செந்தில் பெரியார் தெருவில் இருந்து வரும் தனது சகோதரர் வீட்டில் வசித்து வருகிறார். தனக்கென்று சொந்தமாக வீடு ஒன்று இலவசமாக கேட்டு கடந்த 10 வருட காலமாக தாலுகா அலுவலகம், கலெக்டர் அலுவலகம் என பலமுறை மனு அளித்துள்ளதாக கூறப்படுகிறது.

இந்நிலையில் நேற்று இறுதியாக கலெக்டர் அலுவலகத்திற்கு மனு அளிக்க வந்தார். அப்போது அந்த மனுவில் 10 ஆண்டுகளாக இலவச வீடு கேட்டு மனு அளித்துவரும் தனக்கு வீடு கிடைக்கவில்லை என்றும் எனவே 2 மகள்களுடன் தற்கொலை செய்து கொள்வதற்கு அனுமதிக்க வேண்டும் என்றும் தெரிவித்திருந்ததையடுத்து மனுவை பெற்றுக்கொண்ட அலுவலர் இதுகுறித்து உடனடியாக போலீசாருக்கு தகவல் தெரிவித்தனர்.

பாதுகாப்பிற்காக கலெக்டர் அலுவலக வளாகத்தில் நின்று கொண்டிருந்த போலீசார் தொழிலாளி செந்திலை சமாதானப்படுத்தி அனுப்பி வைத்தனர். இந்த சம்பவம் அங்கு பெரும் பரபரப்பை ஏற்படுத்தியது.


மேலும் செய்திகள்

Like Us on Facebook Dinkaran Daily News
  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

  • vietnam22

    வியட்நாமை துவம்சம் செய்த கனமழை!: வெள்ளம், நிலச்சரிவு போன்ற இயற்கைபேரிடர்களில் சிக்கி 111 பேர் பலி.. பலர் மாயம்..!!

  • pakisthan21

    பாகிஸ்தான் விசா பெறுவதற்கு ஆயிரக்கணக்கில் திரண்ட மக்கள்!: ஆப்கானிஸ்தானில் கூட்ட நெரிசலில் சிக்கி பெண்கள் உள்பட 15 பேர் பலி..!!

படங்கள் வீடியோ கல்வி சினிமா ஜோ‌திட‌ம்