SUN குழுமத்திலிருந்து வெளிவரும் காலை நாளிதழ்

தொற்று குறைந்தாலும் சிகிச்சை வசதிகளை குறைக்கக்கூடாது: தனியார் மருத்துவமனைகளுக்கு அறிவுறுத்தல்

2020-09-22@ 00:48:09

சென்னை: வைரஸ் தொற்று குறைந்தாலும் கொரோனா சிகிச்சை வசதிகளை குறைக்க கூடாது என்று தனியார் மருத்துவமனைகளுக்கு சென்னை மாநகராட்சி சார்பில் அறிவுறுத்தப்பட்டுள்ளது. சென்னையில் கடந்த 20ம் தேதி வரை 1 லட்சத்து 55 ஆயிரத்து 639 பேருக்கு கொரோனா உறுதியானது.  இதில் 1 லட்சத்து 42 ஆயிரத்து 857 பேர் குணமடைந்துள்ளனர். 3,058  பேர் மரணம் அடைந்துள்ளனர். இந்நிலையில் சென்னையில் ஊரடங்கில் தளர்வு அளிக்கப்பட்டுள்ளதால் கொரோனா பாதிப்பு மற்றும் வரும் நாட்களில் தொற்று அதிகரித்ததால் எடுக்க வேண்டிய நடவடிக்கை தொடர்பாக சென்னை மாநகராட்சி ஆணையர் பிரகாஷ், தனியார்  மருத்துவமனை நிர்வாகிகளுடன் ஆலோசனை நடத்தினார். இதில்   மாநகராட்சி சுகாதார இணை ஆணையர் மதுசூதன் ரெட்டி, மாநகர நல அலுவலர் ஜெகதீசன் ஆகியோர் கலந்து கொண்டனர்.

அப்போது, சென்னையில் உள்ள  தனியார் மருத்துவமனைகளில் போதிய மருத்துவ உபகரணங்கள், படுக்கை வசதிகள், ஐசியூ வார்டுகள், வென்டிலேட்டர்கள், ஆக்சிஜன் சிலிண்டர் உள்ளிட்ட மருத்துவ வசதிகள் போதுமான அளவு உள்ளதா  என்பது குறித்து ஆலோசனை மேற்கொள்ளப்பட்டது. இதனை தொடர்ந்து சென்னையில் கொரோனா தொற்று குறைந்தாலும் படுக்கை வசதிகளை குறைக்க கூடாது. சிகிச்சை பெறுபவர்களின் முழு விவரங்களை சேகரித்து முறையாக மாநகராட்சி அறிக்கை அளிக்க வேண்டும். தனி  நபர்களுக்கு முதல்வர் மருத்து காப்பீடு திட்டத்தின் கீழ் சிகிச்சை அளிக்க வேண்டும். அரசின் நிலையான வழிகாட்டு நெறிமுறைகளை முறையாகி பின்பற்ற வேண்டும் என்று மருத்துவமனை நிர்வாகிகளிடம் ஆணையர் பிரகாஷ் அறிவுரை  வழங்கினார்.


மேலும் செய்திகள்

Like Us on Facebook Dinkaran Daily News
  • delhipollution20

    கொரோனா, காற்று மாசு, கடும் குளிர்...மும்முனை அச்சத்தில் தலைநகர் டெல்லி!: மக்கள் உச்சகட்ட பீதி..!!

  • catroot20

    2000 ஆண்டுகள் பழமையான அசர வைக்கும் பூனை வடிவ மலைபாதை: பெரு தொல்பொருள் ஆராய்ச்சியாளர்கள் கண்டுபிடிப்பு..!!

  • chennairain20

    காலை முதலே வெளுத்து வாங்கிய கனமழையால் ஜில்லுனு மாறிய சென்னை!: வெப்பம் தணிந்ததால் மக்கள் மகிழ்ச்சி

  • kolu20

    நவராத்திரி கொண்டாட்டம்!: இதிகாச உபதேசம், நீதிக்கதைகளை நினைவூட்டும் கொலு பொம்மைகள் வைத்து பக்தர்கள் வழிபாடு..!!

  • upschool20

    உ.பி., பஞ்சாப், சிக்கிம் மாநிலங்களில் 7 மாதங்களுக்கு பிறகு பள்ளிகள் திறப்பு!: பெற்றோரின் ஒப்புதல் கடிதத்துடன் வரும் மாணவர்கள் அனுமதி..!!

படங்கள் வீடியோ கல்வி சினிமா ஜோ‌திட‌ம்