SUN குழுமத்திலிருந்து வெளிவரும் காலை நாளிதழ்

மஞ்சங்காரணை கிராமத்தில் சேதமடைந்து கிடக்கும் பயணியர் நிழற்குடை: சீரமைக்க கோரிக்கை

2020-09-20@ 04:21:36

ஊத்துக்கோட்டை: பெரியபாளையம் அருகே மஞ்சங்காரணை கிராமத்தில் விவசாயிகள், அரசு மற்றும் தனியார் கம்பெனி ஊழியர்கள் மாணவ - மாணவிகள் என 3 ஆயிரத்திற்கும் மேற்பட்ட மக்கள் வசித்து வருகின்றனர். மேலும் மஞ்சங்காரணை, கூரம்பாக்கம், காடாநல்லூர் என 10 மேற்பட்ட கிராமங்களைச் சேர்ந்த மக்கள் வேலை சம்மந்தமாகவும், பள்ளி கல்லூரிகளுக்கு செல்ல மஞ்சங்காரணை  பகுதியில் உள்ள பஸ் நிறுத்தத்திற்கு வந்து அங்கிருந்து பெரியபாளையம், திருவள்ளூர், ஆவடி, பூந்தமல்லி, கும்மிடிப்பூண்டி, ஊத்துக்கோட்டை, பொன்னேரி ஆகிய பகுதிகளுக்கு பஸ் மூலம் செல்கின்றனர்.

அவ்வாறு செல்லும் பயணிகளுக்கு  பஸ் நிலையமோ, பயணியர் நிழற்குடையோ இல்லை. இதனால் பயணிகள் வெட்ட வெளியில் கொளுத்தும் வெயில் மற்றும் கொட்டும் மழையில் நிற்கும் நிலை ஏற்பட்டது. இதனால் கடந்த 2016-2017ம் ஆண்டு ₹5 லட்சம் செலவில் பயணியர் நிழற்குடை அமைக்கப்பட்டது. ஆனால் தற்போது அந்த பயணியர் நிழற்குடையில் உள்ள இரும்பு  சேர்கள் உடைந்து சேதம் ஏற்பட்டு அதன் தகடுகள் பயணிகளை பதம் பார்க்கிறது. பஸ் நிறுத்த மேற்கூரையின் மீதும் மற்றும் அதை சுற்றியும் செடி கொடிகள் படர்ந்துள்ளது.

மேலும், கும்மிடிப்பூண்டி தொகுதி எம்எல்ஏவின் சொந்த கிராமம் மஞ்சங்காரணை என்பதாலும் அவரை பார்க்க வரும் கட்சியினரும், பொதுமக்களும் இந்த பஸ் நிறுத்தத்தில் இறங்கி தான் அவரது வீட்டிற்கு செல்வார்கள். எனவே மஞ்சங்காரணை  பகுதியில் பயணிகளின்  வசதிக்காக பயணியர் நிழற்குடையை சம்மந்தப்பட்ட அதிகாரிகள் சீரமைத்து  தர வேண்டும் என  அப்பகுதி மக்கள் கோரிக்கை வைத்துள்ளனர்.

மேலும் செய்திகள்

Like Us on Facebook Dinkaran Daily News
  • jaipourelephant20

    ராஜஸ்தான் மாநிலம் ஜெய்ப்பூர் கோட்டையில் மீண்டும் யானை சவாரிக்கு அனுமதி!..

  • delhiformer20

    வேளாண் சட்டங்களுக்கு எதிர்ப்பு தெரிவித்து ஹரியானா, பஞ்சாப்பில் இருந்து டெல்லி நோக்கி விவசாயிகள் பேரணி - கண்ணீர்புகை, தண்ணீர் பீய்ச்சி விரட்டியடிப்பு

  • nivarpondyvilupuram20

    நிவர் புயல் கரையை கடந்த நிலையில் புதுச்சேரி, விழுப்புரம் மற்றும் கடலூர் மாவட்டத்தில் சேதமடைந்த இடங்கள் ! புகைப்படங்கள்

  • nivarkadaloorcmvisit20

    நிவர் புயலால் பாதிக்கப்பட்ட கடலூர் மாவட்ட மக்களை பார்வையிட்டு நிவாரண பொருட்களை வழங்கினார் மாண்புமிகு தமிழ்நாடு முதலமைச்சர் திரு.எடப்பாடி கே.பழனிசாமி!..

  • nivarthirvannamali20

    திருவண்ணாமலை மற்றும் திருப்பத்தூரில் நிவர் புயலின் தாக்கம் !... புகைப்படங்கள்

படங்கள் வீடியோ கல்வி சினிமா ஜோ‌திட‌ம்