SUN குழுமத்திலிருந்து வெளிவரும் காலை நாளிதழ்

நடிகர் சூர்யா மீது நீதிமன்ற அவமதிப்பு நடவடிக்கை அவசியம் இல்லை என தலைமை நீதிபதி உத்தரவு: இனி கவனமாக பேச வேண்டும் எனவும் அறிவுறுத்தல்

2020-09-18@ 15:39:51

சென்னை : நீதிமன்றத்தை விமர்சித்து புகாரில் நடிகர் சூர்யா மீது நீதிமன்ற அவமதிப்பு நடவடிக்கை மேற்கொள்ள அவசியம் இல்லை என்று சென்னை உயர்நீதிமன்றம் தெரிவித்துள்ளது. நீட் தேர்வு பிரச்சனையில் மாணவர்கள் தற்கொலை தொடர்பாக நடிகர் சூர்யா தெரிவித்த கருத்து, நீதிமன்ற அவமதிப்பு என்று உயர்நீதிமன்ற நீதிபதி எஸ்.எம்.சுப்பிரமணியம், தலைமை நீதிபதி ஏ.பி. சாஹிக்கு கடிதம் அனுப்பி இருந்தார். இது தொடர்பாக விளக்கம் கொடுத்த தமிழக அரசின் தலைமை வழக்கறிஞர் விஜய் நாராயணன், சூர்யா மீது நீதிமன்ற அவமதிப்பு நடவடிக்கை அவசியம் இல்லை என்று கூறினார்.

அரசு வழக்கறிஞரின் கருத்தை ஏற்றுக் கொண்ட தலைமை நீதிபதி அமர்வு நடிகர் சூர்யா மீது நீதிமன்ற அவமதிப்பு நடவடிக்கை மேற்கொள்ள அவசியம் இல்லை என்று உத்தரவிட்டுள்ளது. அந்த உத்தரவில், கொரோனா பேரிடர் காலத்திலும் அர்ப்பணிப்புடன் நீதிபதிகள் பணியாற்றியதாக குறிப்பிட்டுள்ள தலைமை நீதிபதி, காணொளி காட்சி வாயிலாக 42,233 வழக்குகள் விசாரிக்கப்பட்டு தீர்வுக் காணப்பட்டதாக தெரிவித்துள்ளார். அரசியல் சாசனம்  அளித்துள்ள பேச்சு சுதந்திரம்  நியாயமான விமர்சனத்தையும் உள்ளடக்கியது தான் என்று குறிப்பிட்டுள்ள தலைமை நீதிபதி, நீதிமன்ற பணிகளை விமர்சிக்கும் போது, எச்சரிக்கையுடன் இருக்க வேண்டும் என்று தெரிவித்துள்ளார்.சுய ஒழுக்கம் மற்றும் கல்விச் சேவையில் பெயர் பெற்று விளங்கும் சூர்யா, நீதிமன்றத்தை கேலி செய்வது சரியா என்று யோசித்து இருக்க வேண்டும் என்று தலைமை நீதிபதி கருத்து தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • 19-10-2020

    19-10-2020 இன்றைய சிறப்பு படங்கள்

  • 16-10-2020

    16-10-2020 இன்றைய சிறப்பு படங்கள்

  • farmerprotest15

    வேளாண் சட்ட சர்ச்சை பற்றிய பேச்சுக்கு மத்திய அமைச்சர் வராததால் பஞ்சாபில் தொடரும் போராட்டம்: சட்ட நகல்களை கிழித்து வீசிய விவசாயிகள்

  • telunganarain15

    ஆந்திரா, தெலுங்கானாவில் வரலாறு காணாத மழை: கரைபுரளும் வெள்ளத்தில் சிக்கி 32 பேர் பலி..!!

  • navarathri15

    நவராத்திரி விழாவுக்காக தமிழகத்தில் இருந்து கேரளா செல்லும் சுவாமி சிலைகள்: துப்பாக்கி ஏந்தி இரு மாநில போலீசாரும் அணிவகுப்பு மரியாதை

படங்கள் வீடியோ கல்வி சினிமா ஜோ‌திட‌ம்