SUN குழுமத்திலிருந்து வெளிவரும் காலை நாளிதழ்

நடப்பு நிதியாண்டின் 2ம் காலாண்டில் மத்திய அரசுக்கு வரி வசூல் ரூ.2.53 லட்சம் கோடி: கடந்த ஆண்டை விட 22.5% சரிவு

2020-09-17@ 00:29:37

புதுடெல்லி: நடப்பு நிதியாண்டில் இதுவரை, மத்திய அரசுக்கு ரூ.2,53,532.3 கோடி வசூல் ஆகியுள்ளது. இது முந்தைய ஆண்டை விட 22.5 சதவீதம் குறைவு. நடப்பு நிதியாண்டின் 2ம் காலாண்டுக்கான வரி வசூல் விவரங்கள் வெளியாகியுள்ளன. இதுகுறித்து வருமான வரித்துறை வட்டாரங்களில் கூறியதாவது: நடப்பு நிதியாண்டின் 2ம் காலாண்டில் கடந்த 15ம் தேதி வரை மத்திய அரசுக்கு ரூ.2,53,532.3 கோடி வசூல் ஆகியுள்ளது. முந்தைய நிதியாண்டின் இதே காலக்கட்டத்தில் வரி வசூல் ரூ.3,27,320.2 கோடியாக இருந்தது. இத்துடன் ஒப்பிடுகையில் வசூல் 22.5 சதவீதம் சரிந்துள்ளது. முன்கூட்டிய வரி வசூலும் இதில் அடங்கும் எனவும், இதுகுறித்த தனித்தனியான விவரங்கள், இந்த மாத இறுதிக்கு பின்னர் வெளியிடப்படும் எனவும் மும்பையில் உள்ள வருமான வரித்துறை வட்டாரங்கள் தெரிவித்துள்ளன.

நடப்பு நிதியாண்டில் கடந்த ஜூன் மாதத்துடன் காலாண்டில் வரி வசூல் முந்தைய ஆண்டை விட 31 சதவீதம் குறைந்தது. கொரோனா பரவலால் முன்கூட்டிய வரி வசூல் 76 சதவீதம் குறைந்ததே மொத்த வரி வசூல் சரிவுக்கு காரணம். நடப்பு நிதியாண்டில் இதுவரை வசூலான தொகையில், தனி நபர் வரி வசூல் ரூ.1,47,004.6 கோடியாக உள்ளது. வரி வசூலில் பெங்களூரு மண்டலத்தில் மட்டுமே முந்தைய ஆண்டை விட வசூல் 9.9 சதவீதம் அதிகரித்துள்ளது. கொரோனா பரவல் உள்ள பகுதிகளில் வரி வசூல் தொடர்ந்து பாதிப்பை சந்திக்கும் என வருமான வரித்துறை வட்டாரங்கள் தெரிவிக்கின்றன.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்