SUN குழுமத்திலிருந்து வெளிவரும் காலை நாளிதழ்

முன்னாள் கவர்னர் வீட்டில் சூதாட்டம்: அதிமுக பிரமுகர் உள்பட 29 பேர் கைது: போலீசார் அதிரடி நடவடிக்கை

2020-08-15@ 01:11:51

சென்னை: ஆர்.ஏ.புரம்  பகுதியில் முன்னாள் கவர்னரின் அடுக்குமாடி குடியிருப்பில் பணம் வைத்து சூதாட்டத்தில் ஈடுபட்ட அதிமுக பிரமுகர் 29 பேரை போலீசார் கைது செய்தனர். அவர்களிடம் இருந்து 9.55 லட்சம் பறிமுதல் செய்யப்பட்டன. சென்னையில் சட்டத்திற்கு புறம்பாக பணம் பந்தயம் வைத்து சூதாட்டத்தில் ஈடுபடும் நபர்களை கண்காணித்து கைது செய்ய போலீஸ் கமிஷனர் உத்தரவிட்டதன்பேரில், பட்டினப்பாக்கம் காவல் நிலைய எல்லைக்குட்பட்ட பகுதியில் ஆய்வாளர் தலைமையில் தனிப்படை போலீசார் தீவிரமாக கண்காணித்து சோதனை செய்து நடவடிக்கைகள் மேற்கொண்டு வருகின்றனர். அதன் அடிப்படையில், பட்டினம்பாக்கம் இன்ஸ்பெக்டர் தலைமையிலான போலீசார் நேற்று முன்தினம் இரவு அப்பகுதியில் கண்காணிப்பு பணியிலிருந்த போது, போலீசாருக்கு கிடைத்த ரகசிய தகவலின் பேரில் ஆர்.ஏ.புரம், கற்பகம் அவென்யூவில் உள்ள ஒரு அடுக்குமாடி குடியிருப்பை சோதனை செய்தபோது, அங்கு   பணம் வைத்து சூதாட்டத்தில் ஈடுபடுவது தெரியவந்தது.

அதன்பேரில், சூதாட்டத்தில் ஈடுபட்ட முகப்பேர், கோல்டன் ஜார்ஜ் நகர் பகுதியை சேர்ந்த மகேந்திரன் (51), முடிச்சூர் பகுதியை சேர்ந்த கோபி (46), செவ்வாய் பேட்டை பகுதியை சேர்ந்த ரவி (46), ஈக்காட்டுத்தாங்கல் பகுதியை சேர்ந்த ராம்குமார் (38), அரும்பாக்கம் பகுதியை சேர்ந்த வீரராகவன் (62) உட்பட 29 பேரை போலீசார் கைது செய்தனர். அவர்களிடம் இருந்து ₹9.55 லட்சம் பணம் பறிமுதல் செய்தனர். இந்த வீடு முன்னாள் கவர்னர் ஒருவரின் வீடு என்று கூறப்படுகிறது. அந்த வீட்டை அவர் வாடகைக்கு விட்டுள்ளார். அந்த வீட்டில்தான் அதிமுக பிரமுகர் ஒருவர், சூதாட்டம் நடத்தி வந்தது தெரியவந்தது.


மேலும் செய்திகள்

Like Us on Facebook Dinkaran Daily News
  • 22-09-2020

    22-09-2020 இன்றைய சிறப்பு படங்கள்

  • taj21

    6 மாதங்களுக்குப் பிறகு பொதுமக்கள் பார்வைக்காக திறக்கப்பட்டது உலகப் புகழ்பெற்ற தாஜ்மஹால்!: அதிகாலை முதலே திரண்ட மக்கள்..!!

  • ezhumalaiyaan21

    திருப்பதி ஏழுமலையான் கோயில் பிரம்மோற்சவத்தின் இரண்டாம் நாள்!: அன்ன வாகனத்தில் மலையப்ப சுவாமி வீதியுலா..பக்தர்கள் பரவசம்..!!

  • school21

    ஜம்மு - காஷ்மீர், ம.பி., அசாம் உள்ளிட்ட மாநிலங்களில் 6 மாதங்களுக்கு பிறகு பள்ளிகள் மீண்டும் திறப்பு!: ஆர்வமுடன் கல்வி பயிலும் மாணவர்கள்..!!

  • rashya21

    ரஷ்யாவில் 6 நாடுகளை சேர்ந்த 80,000க்கும் மேற்பட்ட ராணுவ வீரர்கள் கூட்டு பயிற்சி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்