SUN குழுமத்திலிருந்து வெளிவரும் காலை நாளிதழ்

சிதம்பரம் அருகே தனி தீவான கிராமம் வெள்ள காலத்தில் ஆற்றில் உடைப்பு ஏற்பட்டால் கிராமமே மூழ்கும் அபாயம்

2020-08-14@ 14:05:00

சிதம்பரம்: சிதம்பரம் அருகே உள்ள ஜெயங்கொண்டபட்டினம் கிராமம் புதிய கொள்ளிடம் ஆறு மற்றும் பழைய கொள்ளிடம் ஆறுகளுக்கு இடையில் தனி தீவாக அமைந்துள்ளது. கொள்ளிடம் ஆற்றில் கடந்த ஆண்டு காவிரியில் உபரி நீர் திறந்து விடப்பட்டபோது இக்கிராமம் பெருமளவில் பாதிக்கப்பட்டது.  ஆற்றின் கரை உடைந்து வெள்ளம் ஊருக்குள் புகும் அபாயம் ஏற்பட்டது. இதையடுத்து பொதுப்பணித்துறை அலுவலர்கள் தற்காலிகமாக பனைமரம், மணல் மூட்டை மூலம் தடுப்புகள் அமைத்தனர். தற்போது கர்நாடக மாநிலத்தில் அதிக மழை பெய்வதால் மேட்டூர் அணை நிரம்பி மீண்டும் கொள்ளிடம் ஆற்றில் வெள்ளப்பெருக்கு ஏற்படும் சூழல் உள்ளது. அப்போது இந்த இடத்தில் தடுப்புக் கட்டைகள் உடைந்து தண்ணீர் ஊருக்குள் புகுந்து கிராமமே மூழ்கும் அபாயம் ஏற்பட்டு உள்ளது.

அதனால் உடனடியாக போர்க்கால அடிப்படையில் இந்த கிராமத்தில் ஆற்றின் கரை உடையாமல் தடுக்க தடுப்புச் சுவர் கட்டித் தர வேண்டும் என கிராம மக்கள் கோரிக்கை வைத்துள்ளனர். இது குறித்து முன்னாள் ஊராட்சி தலைவர் கோவி. மணிவண்ணன் கூறுகையில், கொள்ளிடம் ஆற்றை ஒட்டி இந்த கிராமம் இருப்பதால் பல ஆண்டுகளாக மண் அரிப்பு ஏற்பட்டு கரை உடையாமல் இருக்க தடுப்புச் சுவர் கேட்டு அரசுக்கு பலமுறை கோரிக்கைகளை வைத்துள்ளோம். ஆனால் இதுவரை தடுப்புச்சுவர் கட்டவில்லை. அரசு போர்க்கால அடிப்படையில் நடவடிக்கை எடுத்து சுமார் 5 கிலோ மீட்டர் தூரத்துக்கு தடுப்புச் சுவர் கட்டி தர வேண்டும் என்றார்.


மேலும் செய்திகள்

Like Us on Facebook Dinkaran Daily News
  • 25-09-2020

    25-09-2020 இன்றைய சிறப்பு படங்கள்

  • 24-09-2020

    24-09-2020 இன்றைய சிறப்பு படங்கள்

  • mumbairain23

    விடாத கனமழையால் தண்ணீரில் மிதக்கும் மும்பை மாநகரம்!: சாலையில் தேங்கிய மழைநீரால் போக்குவரத்து பாதிப்பு..!!

  • ele23

    தென் ஆப்பிரிக்காவின் போட்ஸ்வானாவில் நஞ்சு உருவான நீரைப் பருகிய 300க்கு மேற்பட்ட யானைகள் திடீர் பலி!: ஆய்வாளர்கள் அதிர்ச்சி..!!

  • ast23

    ஆஸ்திரேலியாவின் டாஸ்மானியா கடற்கரையில் கொத்து கொத்தாய் கரை ஒதுங்கிய திமிங்கலங்கள்!: மணலில் சிக்கி உயிருக்கு போராட்டம்..!!

படங்கள் வீடியோ கல்வி சினிமா ஜோ‌திட‌ம்