SUN குழுமத்திலிருந்து வெளிவரும் காலை நாளிதழ்

கொரோனா கவச உடைகளை முறையாக அப்புறப்படுத்தாத தனியார் மருத்துவமனைக்கு ரூ.50 ஆயிரம் அபராதம்

2020-08-11@ 18:49:51

மதுரை: மருத்துவர்கள் அணியும் கொரோனா தடுப்பு உடைகள் உள்ளிட்ட மருத்துவக் கழிவுகளை முறையாக அப்புறப்படுத்தாத தனியார் மருத்துவமனைக்கு மாநகராட்சி நிர்வாகம் ரூ.50 ஆயிரம் அபராதம் விதித்தது. மதுரை மாநகராட்சி பகுதியில் 50க்கும் மேற்பட்ட தனியார் மருத்துவமனைகள் உள்ளன. இவைகளில் இருந்து தினசரி உருவாகும் மருத்துவக் கழிவுகளை கூழாக்கி அழிக்க பிளாண்ட் அமைக்கப்பட்டிருக்கும். இது இல்லாத மருத்துவமனைகளில் மருத்துவக் கழிவுகளை சாலையோரம் கொட்டுவதாக புகார் எழுந்தது. இந்நிலையில் மண்டலம் 2, வார்டு 44 மேலூர் மெயின் ரோடு ஒருங்கிணைந்த காய்கறி மார்க்கெட்டிற்கு எதிரில் சாலையோரத்தில் உள்ள மாநகராட்சி குப்பைத் தொட்டி மற்றும் குப்பைத்தொட்டி அருகில் மருத்துவர்கள் அணியும் கொரோனா கவச உடைகளை  தனியார் மருத்துமனையினர் கொட்டிச் சென்றதாக கமிஷனர் விசாகனுக்கு தெரிய வந்தது.

இதையடுத்து அவரின் உத்தரவின்படி சுகாதார ஆய்வாளர்கள் ஆய்வு மேற்கொண்டனர். கொரோனா தடுப்பு உடை உள்ளிட்ட மருத்துவக் கழிவுகளை பொது இடத்தில் கொட்டிவிட்டு சென்ற தனியார் மருத்துவமனையை கண்டறிந்து அதிரடி நடவடிக்கை எடுத்தனர். அந்த மருத்துவமனை ஊழியர்கள் மூலமாகவே மருத்துவக் கழிவுகளை மாநகராட்சி சுகாதாரப்பிரிவினர் அப்புறப்படுத்தச் செய்தனர். மேலும் தனியார் மருத்துவமனைக்கு ரூ.50 ஆயிரம் அபராதம் விதித்தனர். இந்த ஆய்வில் சுகாதார ஆய்வாளர்கள் ஓம்சக்தி, மனோகரன், துப்புரவு ஆய்வாளர் மாரியப்பன் மற்றும் சுகாதார பணியாளர்கள் ஈடுபட்டனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்