SUN குழுமத்திலிருந்து வெளிவரும் காலை நாளிதழ்

கரூர் அருகே பரிதாபம் செல்போன் சார்ஜர் வெடித்து தீ தாய், 2 குழந்தைகள் கருகி பலி: போலீஸ் விசாரணை

2020-08-11@ 01:55:30

கரூர்: ராமநாதபுரம் மாவட்டம் கடம்பனேந்தல் கிராமத்தை சேர்ந்த கருப்பையா (65), குப்பம்மாள் (60) தம்பதியின் மகள் முத்துலட்சுமி (29). கடந்த 6 ஆண்டுகளுக்கு முன்பு கரூர் மணவாடி பகுதியை சேர்ந்த பாலகிருஷ்ணனுக்கும், முத்துலட்சுமிக்கும் திருமணம் நடந்தது. இவர்களுக்கு ரக்ஷித் (3), தக்ஷித் (2) என இரண்டு மகன்கள் இருந்தனர். கடந்த இரண்டு ஆண்டுகளுக்கு முன்பு மனைவியை விட்டு பாலகிருஷ்ணன் பிரிந்து சென்று விட்டார். இந்நிலையில் முத்துலட்சுமி, இரண்டு மகன்களுடன் பெற்றோருடன் கரூர் ராயனூரில் வசித்து வந்தார். நேற்றுவீட்டில் குழந்தைகளுடன் முத்துலட்சுமி மட்டும் தனியாக இருந்தார். குழந்தைகள் இருவரும் அறையில்  தூங்க, முத்துலட்சுமி ஹாலில் செல்போனுக்கு சார்ஜ் போட்டுவிட்டு அதன் அருகிலேயே தரையில் மெத்தை விரித்து படுத்திருந்தார்.

நேற்று அதிகாலை 5 மணியளவில் வீட்டின் உட்புற பகுதியில் இருந்து கரும்புகை கிளம்பியது. அப்பகுதியினர் கொடுத்த தகவலின்படி தாந்தோணிமலை போலீசார் மற்றும் தீயணைப்பு வீரர்கள் வந்து தீயை அணைத்தனர். பின்னர் வீட்டின் கதவை உடைத்து உள்ளே சென்றனர். அங்கு மெத்தை முழுவதும் தீ பிடித்து எரிந்த நிலையில் முத்துலட்சுமி தீயில் கருகி இறந்து கிடந்ததும், மற்றொரு அறையில் இரண்டு குழந்தைகள் மயக்க நிலையில் கிடந்ததும் தெரிய வந்தது.
உடனடியாக இருவரையும் போலீசார் மீட்டு கரூர் அரசு மருத்துவமனைக்கு கொண்டு சென்றனர். அங்கு பரிசோதனையில் இருவரும் கரும்புகையில் மூச்சுத்திணறி இறந்தது தெரியவந்தது. இரவு முழுவதும் செல்போன் சார்ஜ் போடப்பட்டு இருந்ததால் சார்ஜர் வெடித்து தீப்பிடித்ததா என்று போலீசார் விசாரித்து வருகின்றனர்.


மேலும் செய்திகள்

Like Us on Facebook Dinkaran Daily News
  • supersonic30

    இந்தியாவின் அதிநவீன பிரம்மோஸ் சூப்பர்சோனிக் ஏவுகணை சோதனை வெற்றி!: 400 கி.மீ., தூரத்தில் உள்ள இலக்கை தாக்கும் திறன் பெற்றது..புகைப்படங்கள்..!!

  • up30

    உ.பி.யில் வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த இளம்பெண்: குற்றவாளிகளை உடனடியாக தூக்கிலிட வலுக்கும் போராட்டம்..!!

  • elephant30

    போட்ஸ்வானாவைத் தொடர்ந்து ஜிம்பாப்வேயில் தொடரும் சோகம்!: பாக்டீரியா நோயால் 2 மாதங்களில் 34 யானைகள் உயிரிழப்பு..!!

  • newyark30

    கொரோனாவின் தாக்கம் குறைந்தது!: நியூயார்க் நகரில் பள்ளிகள் மீண்டும் திறப்பு..புகைப்படங்கள்..!!

  • road30

    ஆப்கானிஸ்தானில் தலீபான் பயங்கரவாதிகள் நடத்திய கண்ணிவெடி தாக்குதல்!: பொதுமக்கள் 15 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்