SUN குழுமத்திலிருந்து வெளிவரும் காலை நாளிதழ்

இலங்கை தாதா விஷம் வைத்து கொலையா?: அங்கொட லொக்கா கை, கால்கள் நீல நிறத்தில் இருந்தது...பிரேத பரிசோதனை தகவலால் பரபரப்பு..!!

2020-08-09@ 13:12:28

கோவை: இலங்கையை சேர்ந்த போதைப்பொருள் கடத்தல் கும்பலின் நிழல் உலக தாதா அங்கொட லொக்கா மர்ம மரணம் தொடர்பான வழக்கில் புதிய திருப்பம் ஏற்பட்டுள்ளது. அங்கொட லொக்காவின் பிரேத பரிசோதனை அறிக்கையில் கை, கால்கள் நிறம் நீல நிறமாக இருந்ததாக குறிப்பிடப்பட்டுள்ளதால் கொலையா என்ற சந்தேகம் எழுந்துள்ளது. இலங்கை தாதா அங்கொட லொக்கா, கோவையில் பெயரை மாற்றி தலைமறைவு வாழ்க்கை வாழ்ந்து வந்தார். கடந்த மாதம் உயிரிழந்த நிலையில், அவரின் மர்ம மரணம் குறித்து சி.பி.சி.ஐ.டி. போலீசார் விசாரணை மேற்கொண்டு வருகின்றனர்.

அங்கொட லொக்கா உயிரிழந்த நிலையில், அவரது உடல் கோவை அரசு மருத்துவமனையில் உடற்கூராய்விற்காக உட்படுத்தப்பட்டது. தொடர்ந்து, அங்கொட லொக்காவின் உடற்கூராய்வு அறிக்கையில் அவனது கை விரல்கள், கால் விரல் நகங்கள் நீல நிறமாக இருந்ததாக குறிப்பிடப்பட்டுள்ளது. இதனால் அங்கொட லொக்கா விஷம் வைத்து கொல்லப்பட்டிருக்கலாம் என்ற சந்தேகம் எழுந்துள்ளது. இந்த வழக்கில் லொக்காவின் காதலி அம்மானி தான்ஞி, மதுரையை சேர்ந்த வழக்கறிஞர் சிவகாமி சுந்தரி மற்றும் திருப்பூரை சேர்ந்த தியானேஸ்வரன் கைது செய்யப்பட்டுள்ளனர். அங்கொட லொக்காவை இவர்கள் கொலை செய்தார்களா என்ற கோணத்திலும் சி.பி.சி.ஐ.டி. போலீசார் விசாரணை நடத்தி வருகின்றனர். அதேபோல அங்கொட லொக்கா கோவையில் உயிரிழந்ததை உறுதிப்படுத்துவதற்கான சோதனைகளும் நடைபெற்று வருகின்றன.

மேலும் செய்திகள்

Like Us on Facebook Dinkaran Daily News
  • 23-04-2021

    23-04-2021 இன்றைய சிறப்பு படங்கள்

  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

படங்கள் வீடியோ கல்வி சினிமா ஜோ‌திட‌ம்