SUN குழுமத்திலிருந்து வெளிவரும் காலை நாளிதழ்

கடல் மீன் வரத்து குறைவால் அணை மீன் விலை அதிகரிப்பு

2020-08-09@ 12:52:57

பொள்ளாச்சி: பொள்ளாச்சி மார்க்கெட்டிற்கு கடல் மீன்கள் வரத்து குறைவால், அணை மீன்களின் விலை அதிகரித்துள்ளது. பொள்ளாச்சி நகரில் காந்தி மார்க்கெட் ரோடு பகுதி மற்றும் நியூஸ்கீம் ரோடு, பல்லடம் ரோடு, பாலக்காடு ரோடு, மீன்கரை ரோடு என பல்வேறு பகுதிகளில் சுமார் 40க்கும் மேற்பட்ட மீன் கடைகள் செயல்படுகிறது. இந்த கடைகளுக்கு, பெரும்பாலும் பொள்ளாச்சி அருகே உள்ள அணைப்பகுதி மற்றும் கேரள அணைப்பகுதியிலிருந்தே மீன்கள் விற்பனைக்காக கொண்டு வரப்படுகிறது.  அதுபோக, ராமேஸ்வரம் உள்ளிட்ட சில கடலோர பகுதியிலிருந்து கடல் மீன்கள் விற்பனைக்காக கொண்டு வரப்படுகிறது. மீன் வரத்தை பொறுத்து விலை நிர்ணயித்து விற்பனை செய்யப்படுகிறது. ஆனால் கடந்த மார்ச் மாதம் இறுதியிலிருந்து ஊரடங்கு காரணமாக, பல வாரத்திற்கு கடல் மீன் வரத்து இல்லாமல் அணை மற்றும் ஆற்றுப்பகுதியிலிருந்து பிடிக்கப்பட்ட மீன்களே விற்பனை செய்யப்பட்டன.
 கடந்த ஜூன் மாதத்திலிருந்து ஊரடங்கு தளர்வு ஓரளவு இருந்தாலும், கடல் மீன்களின் வரத்து எதிர்பார்த்த அளவில் இல்லாமல் போனது.

அதிலும் இந்த மாதம் துவக்கத்திலிருந்து தென்மேற்கு பருவமழை தீவிரத்தால்,  கடல் மீன்கள் வரத்து மீண்டும் குறைந்துள்ளது. இதில் நேற்று அணை மீன்களே வரத்து இருந்தாலும், இன்று முழு ஊரடங்கு என்பதால் கூடுதல் விலை நிர்ணயம் செய்யப்பட்டு விற்பனையானது. இதில், கடல் மீன்களான மத்தி ஒரு கிலோ ரூ.260க்கும், செம்மீன் ரூ.550க்கும், அணை மீன்களான  டேம்பாறை ரூ.210க்கும், சிலேபி 170க்கும், கட்லா ரூ.180, நெய்மீன் ரூ.160க்கும் என கடந்த வாரத்தைவிட கூடுதல் விலைக்கு விற்பனை செய்யப்பட்டதாகவும், வரும் நாட்களில் கடல் மீன்கள் வரத்து மேலும் குறைந்தால், அணை மீன்களுக்கு தொடர்ந்து கிராக்கி இருக்கும் என வியாபாரிகள் தெரிவித்தனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்