SUN குழுமத்திலிருந்து வெளிவரும் காலை நாளிதழ்

தமிழகம் முழுவதும் பல்வேறு இடங்களில் கடலில் வீணாக கலக்கும் நீரை சேமிக்க தடுப்பணைகள் கட்டப்பட்டு வருகின்றன: முதல்வர் எடப்பாடி பழனிசாமி பேச்சு

2020-08-08@ 04:14:04

நெல்லை: ‘‘நீரை சேமிப்பது குறித்து, தமிழகம் முழுவதும் ஆய்வு மேற்கொண்டோம். அவர்கள் பல்வேறு இடங்களில் கடலில் கலக்கும் நீரை சேமிக்க தேவையான திட்டங்களை சமர்ப்பித்துள்ளனர். அதன்பேரில் தடுப்பணைகள் கட்டும் பணிகள் மேற்கொள்ளப்பட்டு வருகின்றன’’ முதல்வர் எடப்பாடி பழனிசாமி பேசினார். நெல்லை கலெக்டர் அலுவலகத்தில் நடந்த விழாவில், முதல்வர் எடப்பாடி பழனிச்சாமி நேற்று காலை 10 மணிக்கு நெல்லை, தென்காசி மாவட்டங்களில் கட்டி முடிக்கப்பட்ட புதிய கட்டிடங்களை திறந்து வைத்தார்.  முன்னதாக, நெல்லை கலெக்டர் அலுவலகத்தில் நெல்லை, தென்காசி மாவட்ட வளர்ச்சிப் பணிகள் குறித்தும், கொரோனா தடுப்பு பணிகள் குறித்தும் முதல்வர் எடப்பாடி பழனிசாமி கலெக்டர், போலீஸ் அதிகாரிகள், மருத்துவத் துறை மற்றும் அரசுத்துறை அதிகாரிகளுடன் ஆய்வு நடத்தினார்.  

அப்போது அவர் பேசியதாவது: இந்த சோதனையான காலக்கட்டத்தில் கண்ணுக்கு தெரியாத கொரோனா வைரசை கண்டு நாம் அச்சப்படத் தேவையில்லை. நம் நாட்டிலேயே கொரோனா சிகிச்சையில் குணம் அடைந்து திரும்பியவர்களும் தமிழகத்தில்தான் அதிகம்.   நீர் மேலாண்மை திட்டத்தை மேம்படுத்த  ஓய்வு பெற்ற பொதுப்பணித்துறை அதிகாரிகளைக் கொண்ட ஒரு குழுவை அமைத்து தமிழகம் முழுவதும் ஆய்வு மேற்கொண்டோம். அவர்கள் பல்வேறு இடங்களில் கடலில் கலக்கும் நீரை சேமிக்க தேவையான திட்டங்களை சமர்ப்பித்துள்ளனர். அதன்பேரில் தடுப்பணைகள் கட்டும் பணிகள் நடக்கிறது.

நெல்லை மாவட்டத்தில் தாமிரபரணி, கருமேனியாறு, நம்பியாறு இணைப்புத் திட்டத்தில் 4ம் கட்ட பணிகளுக்கு ரூ.160 கோடி ஒதுக்கீடு செய்யப்பட்டு, பணிகள் தொடங்க உள்ளன. தற்போது நிலம் கையகப்படுத்தப்படும் பணிகள் முடியும் தருவாயில் உள்ளன. 4வது கட்டப் பணிகள் டிசம்பர் 2021க்குள் நிறைவு பெறும்’’ என்றார்.


மேலும் செய்திகள்

Like Us on Facebook Dinkaran Daily News
  • 22-09-2020

    22-09-2020 இன்றைய சிறப்பு படங்கள்

  • taj21

    6 மாதங்களுக்குப் பிறகு பொதுமக்கள் பார்வைக்காக திறக்கப்பட்டது உலகப் புகழ்பெற்ற தாஜ்மஹால்!: அதிகாலை முதலே திரண்ட மக்கள்..!!

  • ezhumalaiyaan21

    திருப்பதி ஏழுமலையான் கோயில் பிரம்மோற்சவத்தின் இரண்டாம் நாள்!: அன்ன வாகனத்தில் மலையப்ப சுவாமி வீதியுலா..பக்தர்கள் பரவசம்..!!

  • school21

    ஜம்மு - காஷ்மீர், ம.பி., அசாம் உள்ளிட்ட மாநிலங்களில் 6 மாதங்களுக்கு பிறகு பள்ளிகள் மீண்டும் திறப்பு!: ஆர்வமுடன் கல்வி பயிலும் மாணவர்கள்..!!

  • rashya21

    ரஷ்யாவில் 6 நாடுகளை சேர்ந்த 80,000க்கும் மேற்பட்ட ராணுவ வீரர்கள் கூட்டு பயிற்சி: புகைப்படங்கள்

படங்கள் வீடியோ கல்வி சினிமா ஜோ‌திட‌ம்