SUN குழுமத்திலிருந்து வெளிவரும் காலை நாளிதழ்

ராஜஸ்தான் சபாநாயகருக்கு உயர் நீதிமன்றம் நோட்டீஸ்

2020-08-06@ 00:49:52

ஜெய்ப்பூர்: ராஜஸ்தானில் ஆளும் காங்கிரசில் பகுஜன் சமாஜ் எம்எல்ஏ.க்கள் 6 பேர் இணைந்தது பற்றி விளக்கம் அளிக்கும்படி, சபாநாயகருக்கு உயர் நீதிமன்றம் நோட்டீஸ் அனுப்பியுள்ளது. ராஜஸ்தான் மாநில அரசில் முதல்வர் அசோக் கெலாட்டுக்கும், துணை முதல்வராக இருந்த சச்சின் பைலட்டுக்கும் மோதல் ஏற்பட்டதால், சச்சின் தனது ஆதரவு எம்எல்ஏ.க்கள் 18 பேருடன் கட்சியில் இருந்து வெளியேறி விட்டார். அவர்கள் பாஜ.வுக்கு ஆதரவாக செயல்படுவதாக குற்றச்சாட்டு உள்ளது. இதனால், கெலாட் அரசு பெரும்பான்மையை இழந்து விட்டதாக கூறப்பட்டு வருகிறது. இந்த நிலையில், கெலாட் அரசுக்கு மேலும் சிக்கல் அளிக்கும் வகையில், பகுஜன் சமாஜ் கட்சித் தலைவர் மாயாவதி புதிய பிரச்னையை கிளப்பி இருக்கிறார்.

கெலாட் ஆட்சி அமைத்தபோது, இம்மாநிலத்தில் பகுஜன் சமாஜ் கட்சி சார்பில் வெற்றி பெற்ற 6 எம்எல்ஏ.க்களும் கூண்டோடு காங்கிரசில் இணைந்தனர். இப்போது, இவர்கள் 6 பேரும் காங்கிரசில் சேர்ந்ததை எதிர்த்து, பாஜ எம்எல்ஏ மதன் தில்வாரும், பகுஜன் சமாஜ் கட்சியின் தேசிய செயலாளர் சதீஷ் மிஸ்ராவும் ராஜஸ்தான் உயர் நீதிமன்றத்தில் வழக்கு தொடர்ந்துள்ளனர். இந்த வழக்கை நேற்று விசாரித்த உயர் நீதிமன்றம், இது தொடர்பாக  வரும் 11ம் தேதிக்குள் விளக்கம் அளிக்கும்படி ராஜஸ்தான் சபாநாயகர் சி.பி.ஜோஷிக்கு உத்தரவிட்டு நோட்டீஸ் அனுப்பியது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்