SUN குழுமத்திலிருந்து வெளிவரும் காலை நாளிதழ்

சென்னையில் டாஸ்மாக் மூடப்பட்டுள்ள நிலையில் டீ, காபி போல கூவிகூவி மதுபானம் விற்றவர் கைது: கூட்டுறவு வங்கி தலைமை ஆபிஸ் வளாகத்தில் நடந்த கொடுமை

2020-08-05@ 00:26:17

சென்னை: தமிழ்நாடு கூட்டுறவு வங்கி தலைமை அலுவலக வளாகத்தில் கூவி கூவி மது விற்பனை செய்தவரை போலீசார் கைது செய்தனர். சென்னை அபிராமபுரத்தில் தமிழ்நாடு கூட்டுறவு வங்கி தலைமை அலுவலகம் இயங்கி வருகிறது. தலைமை வங்கி என்பதால் வாடிக்கையாளர்கள் மற்றும் பொதுமக்கள் அதிகளவில் வந்து செல்கின்றனர். இதை தனக்கு சாதகமாக பயன்படுத்திக்கொண்ட ஒரு நபர், வங்கிக்கு வந்து செல்லும் வாடிக்கையாளர்களிடம் மது வேண்டுமா என்று கூவி கூவி மது பாட்டில்களை விற்பனை செய்து வந்துள்ளார். இதுகுறித்து அபிராமபுரம் போலீசாருக்கு மக்கள் தகவல் அளித்தனர். அதன்படி நேற்று போலீசார் சாதாரண உடையில் கூட்டுறவு வங்கி வளாகத்தில் கண்காணித்தனர்.

அப்போது, வாடிக்கையாளர் ஒருவருக்கு மது விற்பனை செய்யும் போது, அங்கு மறைந்து இருந்த போலீசார் கள்ளச்சந்தையில் மதுவிற்பனை செய்த நபரை கையும் களவுமாக பிடித்தனர். பின்னர் அவரிடம் விசாரணை நடத்தியதில், தி.நகரை சேர்ந்த சரவணன் (37). சென்னையில் மது விற்பனை தடை செய்யப்பட்டுள்ளது. எனவே கொரோனா ஊரடங்கின் போது வெளி மாவட்டங்களில் இருந்து மதுபாட்டில்களை கடத்தி வந்து கள்ளச்சந்தையில் அதிக விலைக்கு விற்றதும், கடந்த 2 மாதங்களாக அபிராமபுரம் டிமாண்டி காலனி, செயின்ட் மேரிஸ் சாலையில் கள்ளச்சந்தையில் மது விற்பனை செய்து வந்ததும் விசாரணையில் தெரியவந்தது. அதைதொடர்ந்து போலீசார் சரவணனை கைது செய்தனர். அவரிடம் இருந்து விலை உயர்ந்த 51 மது பாட்டில்கள் பறிமுதல் செய்யப்பட்டன.


மேலும் செய்திகள்

Like Us on Facebook Dinkaran Daily News
  • supersonic30

    இந்தியாவின் அதிநவீன பிரம்மோஸ் சூப்பர்சோனிக் ஏவுகணை சோதனை வெற்றி!: 400 கி.மீ., தூரத்தில் உள்ள இலக்கை தாக்கும் திறன் பெற்றது..புகைப்படங்கள்..!!

  • up30

    உ.பி.யில் வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த இளம்பெண்: குற்றவாளிகளை உடனடியாக தூக்கிலிட வலுக்கும் போராட்டம்..!!

  • elephant30

    போட்ஸ்வானாவைத் தொடர்ந்து ஜிம்பாப்வேயில் தொடரும் சோகம்!: பாக்டீரியா நோயால் 2 மாதங்களில் 34 யானைகள் உயிரிழப்பு..!!

  • newyark30

    கொரோனாவின் தாக்கம் குறைந்தது!: நியூயார்க் நகரில் பள்ளிகள் மீண்டும் திறப்பு..புகைப்படங்கள்..!!

  • road30

    ஆப்கானிஸ்தானில் தலீபான் பயங்கரவாதிகள் நடத்திய கண்ணிவெடி தாக்குதல்!: பொதுமக்கள் 15 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்