SUN குழுமத்திலிருந்து வெளிவரும் காலை நாளிதழ்

ஆந்திராவில் மலைவாழ் பெண்ணிற்கு கணவன் கண் எதிரே பாலியல் வன்கொடுமை!: குற்றவாளியை கைது செய்ய கோரி காவல்நிலையம் முற்றுகை..!!

2020-08-04@ 12:51:00

ஹைதராபாத்: ஆந்திர மாநிலம் கர்னூல் அருகே கணவரை தாக்கி விட்டு மனைவியை பாலியல் வன்கொடுமை செய்த கும்பலை கைது செய்ய கோரி மலைவாழ் மக்கள் காவல்நிலையத்தை முற்றுகையிட்டதால் பரபரப்பு ஏற்பட்டது. ஜாமின் நகர் தாண்டாவை சேர்ந்த மலைவாழ் மக்களான நாகேஷ் நாயக்கும், அவரது மனைவியும் குண்டுப்பாலம் அருகே காவலாளிகளாக வேலை செய்து வருகின்றனர். கடந்த வாரம் இவர்கள் இருவரும் பணியில் ஈடுபட்டிருந்த போது நள்ளிரவு 12 மணியளவில் அங்கு வந்த 3 பேர் நாகேஷ் நாயக்கின் கைகளை கட்டிவிட்டு அவரை கடுமையாக தாக்கியுள்ளனர்.

மேலும் கணவரின் கண் எதிரிலேயே அவரது மனைவியை மர்மநபர்கள் கூட்டாக சேர்ந்து பாலியல் வன்கொடுமை செய்துள்ளனர். பாலியல் சித்திரவதைக்கு ஆளாக்கப்பட்ட அந்த தம்பதி, தங்களுக்கு இழைக்கப்பட்ட அநீதி குறித்து காவல் நிலையத்தில் புகார் அளித்தும் எந்தவித நடவடிக்கையும் எடுக்கவில்லை என்று கூறப்படுகிறது. இதனால் ஆத்திரமடைந்த மலைவாழ் மக்கள், காவல் நிலையத்தை முற்றுகையிட்டனர். கணவன் கண் எதிரே மனைவியை பாலியல் வன்கொடுமை செய்தவர்கள் மீது கடுமையான நடவடிக்கை எடுக்க வேண்டும் என்று மலைவாழ் மக்கள் கோரிக்கைவிடுத்துள்ளனர்.

இல்லையெனில் உயரதிகாரிகளிடம் முறையிடப்படும் என்று அவர்கள் எச்சரிக்கை விடுத்துள்ளனர். இதை தொடர்ந்து, குறிப்பிட்ட தம்பதியிடம் தவறு செய்த அனைவர் மீதும் உரிய நடவடிக்கை எடுக்கப்படும் என போலீசார் உறுதி அளித்தார். இதையடுத்து போராட்டம் திரும்பப் பெறப்பட்டது. அதே வேளை கூட்டுப் பாலியல் வன்கொடுமை தொடர்பாக வழக்குப் பதியப்பட்டு மருத்துவ பரிசோதனைக்காகப் பாதிக்கப்பட்ட பெண்ணையும், கணவரையும் போலீசார் மருத்துவமனை கொண்டு சேர்த்தனர்.


மேலும் செய்திகள்

Like Us on Facebook Dinkaran Daily News
  • supersonic30

    இந்தியாவின் அதிநவீன பிரம்மோஸ் சூப்பர்சோனிக் ஏவுகணை சோதனை வெற்றி!: 400 கி.மீ., தூரத்தில் உள்ள இலக்கை தாக்கும் திறன் பெற்றது..புகைப்படங்கள்..!!

  • up30

    உ.பி.யில் வெட்டுப்பட்ட நாக்கு; செயலிழந்த கால்கள்; பாலியல் வன்கொடுமையால் உயிரிழந்த இளம்பெண்: குற்றவாளிகளை உடனடியாக தூக்கிலிட வலுக்கும் போராட்டம்..!!

  • elephant30

    போட்ஸ்வானாவைத் தொடர்ந்து ஜிம்பாப்வேயில் தொடரும் சோகம்!: பாக்டீரியா நோயால் 2 மாதங்களில் 34 யானைகள் உயிரிழப்பு..!!

  • newyark30

    கொரோனாவின் தாக்கம் குறைந்தது!: நியூயார்க் நகரில் பள்ளிகள் மீண்டும் திறப்பு..புகைப்படங்கள்..!!

  • road30

    ஆப்கானிஸ்தானில் தலீபான் பயங்கரவாதிகள் நடத்திய கண்ணிவெடி தாக்குதல்!: பொதுமக்கள் 15 பேர் உயிரிழப்பு..!!

படங்கள் வீடியோ கல்வி சினிமா ஜோ‌திட‌ம்