SUN குழுமத்திலிருந்து வெளிவரும் காலை நாளிதழ்

கால்வாய் தூர்வாரும் பணி நிறுத்தம்; மானாமதுரை அருகே பரபரப்பு

2020-08-01@ 15:51:33

மானாமதுரை: மானாமதுரை ஊராட்சி ஒன்றியத்திற்குட்பட்ட கீழமேல்குடி கிராமத்தின் கண்மாய்க்கு வைகையாற்றிலிருந்து தண்ணீர் வரும் வகையில் பாசன கால்வாய் உள்ளது. இதன்மூலம் கீழமேல்குடியில் உள்ள 500 ஹெக்டேர் நஞ்சை நிலங்கள் பாசன வசதி பெறுகிறது. ஆண்டுதோறும் கிராமத்தினர் குடிவரி ஏற்படுத்தி சொந்த செலவில் கால்வாயை தூர்வாரி மழைகாலங்களில் வைகையில் வரும் வெள்ளநீரை தங்களது கண்மாய்க்கு கொண்டு சென்று விவசாயம் செய்கின்றனர். இந்தாண்டு வழக்கம்போல தூர்வாரும் பணியினை துவங்கியபோது கால்வாயினை தனியார் ஆக்கிரமித்துள்ளதாக இக்கிராம மக்கள் புகார் தெரிவித்து வருகின்றனர்.

இந்நிலையில் கீழமேல்குடி ஊராட்சி மன்றதலைவர் தர்மாராமு, துணைத்தலைவர் அர்ச்சுனன், திமுக நகர்கழக செயலாளர் பொன்னுசாமி, பாசன விவசாயிகள் சங்க நிர்வாகி ராஜாங்கம், அமமுக ஒன்றிய செயலாளர் நெப்போலியன், முத்து, முருகன் மற்றும் கிராம மக்கள் சேர்ந்து ஜேசிபி இயந்திரம் மூலம் வைகையாற்றிலிருந்து கீழமேல்குடி கண்மாய்க்கு தண்ணீர் வரும் கால்வாயை தூர்வாரும் பணியை மேற்கொண்டனர்.

அப்போது பிரச்சனைக்குரிய பகுதியிலும் ஜேசிபி இயந்திரத்தை கொண்டு தூர்வாரப்பட்டது. தகவலறிந்து வந்த மானாமதுரை போலீசார் கால்வாய் தூர்வாரும் பணியை தடுத்து நிறுத்தினர். பிரச்னைக்குரிய கால்வாய் பகுதியில் தூர்வாரக்கூடாது என கிராமமக்களிடம் போலீசார் தெரிவித்தனர். இதையடுத்து கிராமமக்களுக்கும் போலீசாருக்கும் வாக்குவாதம் ஏற்பட்டது. இதனால் அங்கு பரபரப்பு ஏற்பட்டது. அதன்பின் மானாமதுரை வட்டாட்சியர் வந்தபின் பேசி தூர்வாரும் பணியை மேற்கொள்ளலாம் என போலீசார் தெரிவித்தனர். இதையடுத்து கீழமேல்குடி கால்வாய் தூர்வாரும் பணி நிறுத்தி வைக்கப்பட்டுள்ளது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்