SUN குழுமத்திலிருந்து வெளிவரும் காலை நாளிதழ்

குழந்தை காப்பகங்களுக்கு தரும் நிதியுதவி எவ்வளவு? மத்திய அரசுக்கு உச்ச நீதிமன்றம் கேள்வி

2020-07-22@ 00:40:15

புதுடெல்லி: ‘நாடு முழுவதும் உள்ள குழந்தைகள் காப்பங்களுக்கு எவ்வளவு நிதியுதவி வழங்கப்படுகிறது?’ என மத்திய அரசுக்கு உச்ச நீதிமன்றம் கேள்வி எழுப்பியுள்ளது. நாடு முழுவதும் உள்ள குழந்தைகள் காப்பகத்தில் இருக்கும் குழந்தைகள் கொரோனா தொற்றால் பாதிக்கப்படுவதாக சமீபத்தில் புகார் எழுந்தது. இந்த விவகாரம் தொடர்பாக உச்ச நீதிமன்றம் தானாக முன்வந்து வழக்கு பதிந்து விசாரித்து வருகிறது.  இந்த வழக்கு நீதிபதிகள் நாகேஸ்வர ராவ், ஹேமந்த் குப்தா மற்றும் ரவீந்தர் பட் அமர்வில் நேற்று மீண்டும் விசாரணைக்கு வந்தது. அப்போது, நீதிபதிகள் உத்தரவில், “நாடு முழுவதிலும் உள்ள குழந்தைகள் காப்பகத்திற்கு மத்திய அரசு எவ்வளவு நிதியுதவி வழங்குகிறது?

அது எத்தகைய முறையில் அவர்களுக்கு வழங்கப்படுகிறது? அதற்கான நடைமுறைகள் என்னென்ன? என்ற விவரங்களை அடுத்த 2 வாரத்தில் மத்திய அரசு பிரமாண பத்திரமாக தாக்கல் செய்ய வேண்டும். இதேபோல், மாநில அரசுகள் குழந்தைகள் காப்பகத்தை பராமரிப்பது தொடர்பான நல்ல விஷயங்கள் கொண்ட அறிக்கையையும் நீதிமன்றத்திற்கு உதவுவதற்காக நியமிக்கப்பட்டுள்ள வழக்கறிஞர்கள் தாக்கல் செய்ய வேண்டும். இதன் மூலம், காப்பகங்கள் தொடர்பான நிறைகுறைகளை கண்டறிந்து பொதுவான ஒரு உத்தரவை பிறப்பிக்க நீதிமன்றத்திற்கு ஏதுவாக இருக்கும்,’’ என்றனர். பின்னர், வழக்கை ஆகஸ்ட் 13ம் தேதிக்கு ஒத்திவைத்தனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்