SUN குழுமத்திலிருந்து வெளிவரும் காலை நாளிதழ்

குடியிருப்புகளை மிரட்டும் காட்டுயானைகள்: பயிருக்கும் பாதுகாப்பில்லை உயிருக்கும் பாதுகாப்பில்லை.! கொடைக்கானல் மக்கள் குமுறல்

2020-07-07@ 12:45:28

கொடைக்கானல்: குடியிருப்புப் பகுதிகளில் நடமாடும் காட்டுயானைகளால் கொடைக்கானல் பகுதி மக்கள் அச்சத்தில் உள்ளனர். திண்டுக்கல் மாவட்டம், கொடைக்கானலில் உள்ள பெருமாள்மலையை அடுத்து பேத்துப்பாறை, அஞ்சுவீடு, கணேசபுரம் ஆகிய குடியிருப்புப் பகுதிகள் உள்ளன. இப்பகுதிகளில் கடந்த சில நாட்களாக காட்டுயானைகளின் நடமாட்டம் அதிகரித்துள்ளது. இவை, அப்பகுதியில் விளைநிலங்களில் உள்ள பயிர்களை நாசம் செய்கின்றன. தற்போது குடியிருப்பு பகுதிகளுக்குள் நடமாடுவதால், உயிர் பயத்தில் பொதுமக்கள் வெளியே வர அச்சப்படுகின்றனர். இதுகுறித்து வனத்துறைக்கு தகவல் தெரிவித்துள்ளனர்.

இப்பகுதி மக்கள் கூறுகையில், ‘‘யானை உள்ளிட்ட வனவிலங்குகள் குடியிருப்பு பகுதிக்குள் புகுந்து அச்சுறுத்துகின்றன. இவற்றின் நடமாட்டத்தை கட்டுப்படுத்த வனத்துறை நிரந்தரமான தீர்வு காணவில்லை. வன ஊழியர்களைக் கொண்டு அவ்வப்போது வனப்பகுதிக்குள் விரட்டுவதோடு, தங்களது பணி முடிந்து விடுவதாக வனத்துறையினர் நினைக்கின்றனர். இதனால், வனவிலங்குகளின் நடமாட்டம் மலைப்பகுதியில் சர்வ சாதாரணமாக உள்ளது. காட்டுயானை, காட்டுமாடு உள்ளிட்ட வனவிலங்குகளை வனப்பகுதிக்குள் அனுப்ப நிரந்தர தீர்வு காண வேண்டும்’’ என்றனர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்