SUN குழுமத்திலிருந்து வெளிவரும் காலை நாளிதழ்

மீஞ்சூர் அருகே அதிமுக செயலாளர் வெட்டிக் கொலை: தொழில் போட்டியா என விசாரணை

2020-07-04@ 02:39:42

சென்னை: அதிமுக கிளைச் செயலாளர் சிலம்பரசனை வெட்டிக் கொலை செய்த கும்பலை காட்டூர் போலீசார் வலைவீசி தேடி வருகின்றனர். திருவள்ளூர் மாவட்டம் மீஞ்சூர் அடுத்த ஊரணம்பேடு கிராமத்தை சேர்ந்தவர் சிலம்பரசன் (35). வாயலூர் ஊராட்சி மன்ற அதிமுக கிளை கழக செயலாளர். அனல்மின் நிலைய பகுதிகளில் ஒப்பந்த அடிப்படையில் பணிகளை எடுத்து வேலை செய்து வந்தார். ஊரணம்பேடு பகுதியில் தனது ஒப்பந்தப் பணிகளை பார்வையிட நேற்று காரில் சென்றார். அப்போது 6 பேர் கொண்ட கும்பல் அங்கு வந்தது. சிலம்பரசனை சரமாரியாக வெட்டினர்.

அவர் அலறித் துடித்தார். கம்பெனியில் இருந்த காவலாளி ஓடி வந்து பார்த்தபோது ரத்த வெள்ளத்தில் உயிருக்குப் போராடினார். காவலாளி, அக்கம்பக்கத்தினர் உதவியுடன் சிலம்பரசனை மீட்டு சிகிச்சைக்காக மீஞ்சூர் அரசு மருத்துவமனையில் சேர்த்தனர். அவரை பரிசோதித்த டாக்டர்கள், சிலம்பரசன் ஏற்கனவே இறந்து விட்டதாக கூறினர். இதனைத்தொடர்ந்து காட்டூர் போலீசார் சிலம்பரசனின் சடலத்தை கைப்பற்றி பிரேத பரிசோதனைக்காக பொன்னேரி அரசு மருத்துவமனைக்கு அனுப்பிவைத்தனர். தொழில் போட்டியால் கொலை நடந்ததா அல்லது வேறு காரணமா என காட்டூர் போலீசார் தீவிரமாக விசாரித்து வருகின்றனர். சிலம்பரசனுக்கு பவித்ரா என்ற மனைவியும் ஒரு மகள், ஒரு மகனும் உள்ளனர்.


மேலும் செய்திகள்

Like Us on Facebook Dinkaran Daily News
  • RamMandirBhoomiPoojan05

    ஜெய் ஸ்ரீராம் கோஷம் முழங்க அயோத்தியில் 161 அடி பிரம்மாண்ட ஆலயத்திற்கு அடிக்கல் நாட்டினார் பிரதமர் மோடி..: புகைப்படத்தொகுப்பு

  • ayothikkk1

    மின் விளக்குகளால் ஜொலிக்கும் அயோத்தி: ராமர் கோயில் பூமி பூஜைக்காக ஏற்பாடு தீவிரம்

  • italy_96611

    வயது என்பது மனதிற்கே... சாதிக்க தடையில்லை...96 வயதில் பட்டம் பெற்று அசத்திய முதியவர்!!

  • umilneer11

    உமிழ்நீரை வைத்து கொரோனா வைரஸை கண்டறிய , ராணுவ நாய்களுக்கு ஜெர்மன் ராணுவம் பயிற்சி!!

  • 25-07-2020

    25-07-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்