SUN குழுமத்திலிருந்து வெளிவரும் காலை நாளிதழ்

மருத்துவ படிப்பில் ஓபிசி பிரிவினருக்கு இட ஒதுக்கீடு சலுகையை வழங்க மறுப்பது அரசியல் சாசனத்துக்கு எதிரானது : பிரதமர் மோடிக்கு சோனியா காந்தி கடிதம்!!

2020-07-03@ 17:46:01

டெல்லி: மருத்துவ படிப்பில் இதர பிற்படுத்தப்பட்ட மாணவர்களுக்கு இடஒதுக்கீடு வழங்கக்கோரி பிரதமருக்கு சோனியாகாந்தி கடிதம் எழுதியுள்ளார். இடஒதுக்கீடு சலுகையை வழங்க மறுப்பது அரசியல் சாசனத்துக்கு எதிரானது என்றும் அந்த கடிதத்தில் சோனியா காந்தி குறிப்பிட்டுள்ளார். கொரோனா அச்சம் காரணமாக, நிகழாண்டு மருத்துவப்படிப்புகளில் மாணவர் சேர்க்கைக்கான நீட் தகுதித் தேர்வை நடத்துவது குறித்து பரிந்துரைகள தரும்படி, தேசிய தேர்வு முகமையிடம் மநேற்று த்திய மனிதவள மேம்பாட்டுத் துறை அமைச்சகம் பரிந்துரைகளை கேட்டுள்ளது. இந்த நிலையில், மருத்துவப் படிப்புகளில் ஓபிசி பிரிவினரின் இடஒதுக்கீடு விவகாரம் தொடர்பாக பிரதமர் மோடிக்கு சோனியா காந்தி கடிதம் எழுதியுள்ளார்.

அந்த கடிதத்தில், ' மாநிலங்கள் மற்றும் யூனியன் பிரதேசங்களில், நீட் தேர்வு அடிப்படையில் நடைபெறும்  மருத்துவ மாணவர் சேர்க்கையில், இதர பிற்படுத்தப்பட்ட மாணவர்களுக்கு இட ஒதுக்கீடு மறுக்கப்படுகிறது.
2017ம் ஆண்டு முதல் அகில இந்திய ஒதுக்கீட்டில் ஓபிசி பிரிவு மாணவர்கள் 11 ஆயிரம் இடங்களை இழந்துள்ளனர். உயர் கல்வியி்ல் இட ஒதுக்கீடு மறுக்கப்படுவது 93 ஆவது அரசியல் சட்டத் திருத்தத்துக்கு எதிரானது. இதர பிற்படுத்தப்பட்ட பிரிவினருக்கு என தனியாக இட ஒதுக்கீடு வழங்கப்படவில்லை என்பதால், அவர்களுக்கு மருத்துவ மற்றும் பல் மருத்துவ மேற்படிப்புகளில் இடம் கிடைப்பதில்லை. எனவே அகில இந்திய அளவில் இதர பிற்படுத்தப்பட்டோருக்கு இடஒதுக்கீடு வழங்க பிரதமர் மோடி முன்வர வேண்டும்', எனவும் தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • school21

    ஜம்மு - காஷ்மீர், ம.பி., அசாம் உள்ளிட்ட மாநிலங்களில் 6 மாதங்களுக்கு பிறகு பள்ளிகள் மீண்டும் திறப்பு!: ஆர்வமுடன் கல்வி பயிலும் மாணவர்கள்..!!

  • rashya21

    ரஷ்யாவில் 6 நாடுகளை சேர்ந்த 80,000க்கும் மேற்பட்ட ராணுவ வீரர்கள் கூட்டு பயிற்சி: புகைப்படங்கள்

  • maha21

    மஹாராஷ்டிரா மாநிலம் தானே அருகே 3 மாடி கட்டடம் இடிந்து விபத்து: இடிபாடுகளில் சிக்கிய 8 பேர் உடல் நசுங்கி உயிரிழப்பு..!!

  • 21-09-2020

    21-09-2020 இன்றைய சிறப்பு படங்கள்

  • 20-09-2020

    20-09-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்