SUN குழுமத்திலிருந்து வெளிவரும் காலை நாளிதழ்

மகளின் காதல் திருமணத்திற்கு உதவியவர் கொலை வழக்கில் தேடப்படும் அதிமுக செயலாளர் பதவி பறிப்பு

2020-06-21@ 10:51:40

சென்னை: மகளின் காதல் திருமணத்திற்கு உதவியவர் கொல்லப்பட்ட வழக்கில் தேடப்படும் திருமங்கலம் அதிமுக நகர செயலாளர் விஜயன் பதவி பறிக்கப்பட்டுள்ளது. மதுரை மாவட்டம், திருமங்கலம், அதிமுக நகர செயலாளர் விஜயன். கடந்த 10 ஆண்டுக்கு மேலாக நகர செயலாளராக இருந்து வந்தார். இவரது மனைவி உமா கடந்த முறை திருமங்கலம் நகராட்சி தலைவராக இருந்தவர். விஜயன் நகராட்சி கவுன்சிலர் உள்ளிட்ட பதவிகளை வகித்தவர். மதுரை மாவட்டத்தில் அதிமுகவில் முக்கிய புள்ளியாக இருந்து வந்தார். இவரது மகள் கடந்த ஓராண்டிற்கு முன்பு காதல் திருமணம் செய்து கொண்டார். இது விஜயனுக்கு கோபத்தை உண்டாக்கியது. இதனால் மகளின் காதல் திருமணத்திற்கு உதவியவர்களுக்கு, விஜயன் தொடர்ந்து மிரட்டல் விடுத்து வந்ததாக கூறப்பட்டது.

இந்நிலையில் திருமங்கலம் முகமதுஷாபுரத்தை சேர்ந்த மணிகண்டன், கடந்த சில தினங்களுக்கு முன்பு படுகொலை செய்யப்பட்டார். இவர் விஜயன் மகளின் காதலுக்கு உதவியவர் என்பதால் கொலை செய்யப்பட்டதாக கூறி, மணிகண்டனின் உறவினர்கள், குடும்பத்தினர் மதுரை அரசு மருத்துவமனையில் போராட்டத்தில் ஈடுபட்டனர். இதையடுத்து அதிமுக நகர செயலாளர் விஜயன் மீதும் போலீசார் வழக்குப்பதிவு செய்தனர். தலைமறைவான அவரை தேடும் பணி தீவிரமடைந்துள்ளது.

இந்த தகவல் அதிமுக தலைமையை எட்டியதும் விஜயன், திருமங்கலம் நகரசெயலாளர் பதவியிலிருந்து நீக்கப்பட்டதாக ஓபிஎஸ், இபிஎஸ் நேற்று முன்தினம் அறிவித்தனர். இதனால் கடந்த 10 ஆண்டுகளுக்கும் மேலாக இருந்த திருமங்கலம் அதிமுக நகர செயலாளர் பதவியை விஜயன் இழந்தார். இது நகர அதிமுகவினருக்கும், விஜயனின் ஆதரவாளர்களுக்கும் அதிர்ச்சியை உண்டாக்கியுள்ளது.

மேலும் செய்திகள்

Like Us on Facebook Dinkaran Daily News
  • 23-04-2021

    23-04-2021 இன்றைய சிறப்பு படங்கள்

  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

படங்கள் வீடியோ கல்வி சினிமா ஜோ‌திட‌ம்