SUN குழுமத்திலிருந்து வெளிவரும் காலை நாளிதழ்

கொலம்பஸ் சிலையை சாய்த்து வீழ்த்திய பூர்வக்குடி அமெரிக்க போராட்டக்காரர்கள்

2020-06-11@ 14:50:55

வர்ஜீனியா: வெள்ளை குடியேற்றவாதிகளினால் அழித்தொழிக்கப்பட்ட பூர்வக்குடி அமெரிக்கர்கள் எப்போதுமே பெரிய கண்டுபிடிப்பாளரான கொலம்பஸை மரியாதைக்குரியவராக ஏற்றுக்கொண்டதில்லை. இவரது பயணக் கண்டுப்பிடிப்புகளினால்தான் அமெரிக்க நாடுகள் காலனியாதிக்கக் கொடுமைகளை அனுபவித்ததாகவும் தங்கள் மூதாதையர்கள் பலர் கொல்லப்பட்டதாகவும் பூர்வக்குடி அமெரிக்கர்கள் கருத்து தெரிவிக்கின்றன. இத்தாலி நாட்டைச் சேர்ந்த கொலம்பஸின் கடல்பயணங்களை ஆதரித்து நிதி உள்ளிட்ட உதவிகளை ஸ்பானிய முடியாட்சி செய்தது. கரீபியன், மத்திய அமெரிக்கா, தென் அமெரிக்காவில் கால்பதித்த முதல் ஐரோப்பியராகவும் அமெரிக்காவைக் கண்டுபிடித்தவராகவும் கொலம்பஸ் அறியப்படுகிறார்.

இந்நிலையில் அமெரிக்காவில் கருப்பரினத்தை சேர்ந்த ஜார்ஜ் பிளாய்ட் என்பவரை போலீஸார் ஒருவர் கழுத்தில் காலை வைத்து அழுத்திக் கொன்றது மிகப்பரவலான வன்முறையான நிறவெறி எதிர்ப்புப் போராட்டங்களைக் தூண்டிவிட்டது. அதன் தொடர்ச்சியாக மினசோட்டாவில் செயிண்ட் பாலில் உள்ள கிறிஸ்டபர் கொலம்பஸின் 10 அடி உயர வெண்கலச் சிலை வீழ்த்தப்பட்டு தரையில் சாய்க்கப்பட்டது. பூர்வக்குடி அமெரிக்கர்கள் சிலர் தலைமையில் போராட்டக்காரர்கள் சிலர் கொலம்பஸ் சிலையை தரையில் சாய்த்தனர். இது தொடர்பாக சமூகச் செயல்பாட்டாளர் மைக் ஃபோர்சியா கூறுகையில், இது சரியான செயலாகும் மற்றும் சரியான நேரமும் கூட, இதற்காக என்னைக் கைது செய்வார்கள், குற்றவழக்கு தொடர்வார்கள் ஆனால் பரவாயில்லை என கூறினார்.

மினசோட்டாவில் உள்ள இத்தாலிய-அமெரிக்கர்கள் இந்த வெண்கலச் சிலையை பரிசாக அளித்தனர். இந்த சிலையை வடிவமைத்தவர் கார்லோ பிரியோஷி என்ற சிற்பி என கூறபடுகிறது. செவ்வாயன்று வர்ஜீனியாவில் கொலம்பஸ் சிலை ஒன்று தகர்க்கப்பட்டு ஏரியில் வீசப்பட்டது. இதனையடுத்து அமெரிக்க சிவில் யுத்த வீரர்கள் தலைவர்கள் சிலைகளை அகற்றுமாறு அமெரிக்க பிரதிநிதிகள் சபை செய்தித் தொடர்பாளர் நான்சி பெலோசி அமெரிக்க நாடாளுமன்றத்தை வலியுறுத்தினார்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்