SUN குழுமத்திலிருந்து வெளிவரும் காலை நாளிதழ்

ராமநாதபுரம், சாயல்குடி கடற்கரையில் கரை ஒதுங்கிய கடல் பசு ‘மெகா சைஸ்’ புள்ளி சுறா

2020-06-07@ 10:24:25

* அரிய வகை உயிரினங்கள் அழிந்தது எப்படி?
* விசாரணை நடத்த மீனவர்கள் வலியுறுத்தல்

சாயல்குடி: ராமநாதபுரம், சாயல்குடி அருகே கடற்கரையில் ஒரே நாளில் கடல் பசு மற்றும் புள்ளி சுறா இறந்த நிலையில், கரை ஒதுங்கியது மீனவர்களிடையே சந்தேகத்தை ஏற்படுத்தியுள்ளது. இதுதொடர்பாக உரிய விசாரணை நடத்த மீனவர்கள் வலியுறுத்தி உள்ளனர். ராமநாதபுரம் அருகே ஆற்றங்கரை கடற்கரையில் சுமார் ஒன்றரை டன் எடையளவு கொண்ட மெகா சைஸ் புள்ளி சுறா நேற்று இறந்து கரை ஒதுங்கியது, இதேபோல் சாயல்குடி அருகே ஒப்பிலான் கடற்கரையில் சுமார் ஒரு டன் எடையளவு கொண்ட கடல் பசு இறந்து கரை ஒதுங்கியது. பொதுவாக இதுபோன்ற அரிய வகை கடல்வாழ் உயிரினங்கள், பாறைகள், கப்பல், படகு போன்றவற்றில் மோதி இறந்து கரை ஒதுங்குவது வழக்கம். தற்போது தடைக்காலம் முடிந்தாலும் பலத்த காற்று உள்ளிட்ட காரணங்களால், மீனவர்கள் கடலுக்கு செல்லவில்லை.

இந்தச்சூழ்நிலையில் ஒரே நாளில் 2 அரிய வகை கடல்வாழ் உயிரினங்கள் இறந்து கரை ஒதுங்கியது மீனவர்கள், சமூக ஆர்வலர்கள் மத்தியில் சந்தேகத்தை ஏற்படுத்தியுள்ளது. எனவே இறந்த கடல்பசு, புள்ளி சுறா ஆகியவற்றின், உடல்கூறு அறுவை சிகிச்சை முடிவு அறிக்கையின் அடிப்படையில் உரிய விசாரணை மேற்கொள்ள வேண்டும் என மீனவர்கள், சமூக ஆர்வலர்கள் கோரிக்கை விடுத்துள்ளர். பின்னர் இறந்து கரை ஒதுங்கிய கடல்பசு, புள்ளி சுறா இரண்டையும் மன்னார் வளைகுடா உயிர்கோள காப்பக அலுவலர்கள் மீட்டு, கால்நடை மருத்துவர்கள் உதவியுடன் உடல் கூறு அறுவை சிகிச்சை செய்து கடற்கரையில் புதைத்தனர்.

மேலும் செய்திகள்

Like Us on Facebook Dinkaran Daily News
  • bulgaria-24

    பல்கேரியாவில் பயணிகள் பேருந்தில் தீ விபத்து!: 12 குழந்தைகள் உட்பட 45 பேர் தீயில் கருகி உயிரிழப்பு..!!

  • murasoli-23

    ‘கலைஞரின் மனசாட்சி’முரசொலி மாறனின் 18ம் ஆண்டு நினைவு தினம்!: திருவுருவ படத்திற்கு திமுகவினர் மலர்தூவி மரியாதை..!!

  • selem-gas-23

    சேலத்தில் கேஸ் சிலிண்டர் வெடித்து விபத்து: 4 வீடுகள் தரைமட்டம்...இடிபாடுகளில் சிக்கி 5 பேர் உயிரிழப்பு..!!

  • andhra-flood-22

    ஆந்திராவில் கொட்டித்தீர்த்த கனமழை!: வெள்ளக்காடாக காட்சியளிக்கும் குடியிருப்புகள்...இடுப்பளவு தண்ணீரில் அல்லல்படும் மக்கள்..!!

  • tajmahal-love

    தாஜ்மஹால் போன்றே வீடு...வாழும் ஷாஜகானின் காதல் பரிசால் திக்குமுக்காடிப்போன மனைவி..!!

படங்கள் வீடியோ கல்வி சினிமா ஜோ‌திட‌ம்