SUN குழுமத்திலிருந்து வெளிவரும் காலை நாளிதழ்

சமூக இடைவெளியை கடைபிடிக்காததால் தி.நகர் ரங்கநாதன் தெருவில் 150 கடைகள் அதிரடி மூடல்: மாநகராட்சி நடவடிக்கை

2020-05-30@ 07:46:00

சென்னை: தி.நகர் ரங்கநாதன் தெருவில் சமூக இடைவெளியை கடைபிடிக்காமல் செயல்பட்ட  150க்கும் மேற்பட்ட கடைகளை மூட வேண்டும், என மாநகராட்சி உத்தரவிட்டுள்ளது. கொரோனா பரவலை தடுக்க நாடு முழுவதும் ஊரடங்கு அமலில் உள்ளது. இந்நிலையில், 4ம் கட்ட ஊரடங்கு அமல்படுத்தியபோது, தமிழக அரசு பல்வேறு தளர்வுகளை அறிவித்தது. அதன்படி, தமிழகம் முழுவதும் வணிக வளாகங்கள், தியேட்டர்கள், பெரிய கடைகள் உள்ளிட்ட கடைகளை தவிர்த்து தனிக் கடைகள் அனைத்தும் திறக்கலாம் என்று அறிவிக்கப்பட்டது. அப்படி திறக்கும்போது அனைத்து கடைகளிலும் சமூக இடைவெளியை பின்பற்ற வேண்டும், தொழிலாளர்கள் அனைவரும் மாஸ்க் அணிய வேண்டும், அடிக்கடி கைகழுவ வேண்டும் உள்ளிட்ட விதிமுறைகளை பின்பற்ற வேண்டும் என்று உத்தரவிடப்பட்டது.

மேலும் விதிகளை பின்பற்றாத கடைகள் மூடப்படும் என்றும் அறிவிக்கப்பட்டது. தொடர்ந்து சென்னை முழுவதும் அதிகாரிகள் ஆய்வு நடத்தி, விதிமீறி செயல்படும் கடைகளை மூடுவதற்கு உத்தரவிட்டு வருகின்றனர். இந்நிலையில், தி.நகர் ரங்கநாதன் தெருவில் உள்ள பல கடைகளில் சமூக இடைவெளியை கடைபிடிக்காமலும், ஊழியர்கள் முகக்கவசம் அணியாமல் உள்ளதாகவும் மாநகராட்சி அதிகாரிகளுக்கு புகார் வந்தது.  அதன்பேரில், அதிகாரிகள் நேற்று ஆய்வு செய்தபோது, 150க்கும் மேற்பட்ட கடைகள் விதிமீறி செயல்படுவது தெரிந்தது. அவற்றை மூட வேண்டும் என்று சென்னை மாநகராட்சி அதிகாரிகள் உத்தரவிட்டுள்ளனர். மேலும், மறு உத்தரவு வரும் வரை திறக்கக்கூடாது எனவும் எச்சரித்துள்ளனர்.


மேலும் செய்திகள்

Like Us on Facebook Dinkaran Daily News
  • RamMandirBhoomiPoojan05

    ஜெய் ஸ்ரீராம் கோஷம் முழங்க அயோத்தியில் 161 அடி பிரம்மாண்ட ஆலயத்திற்கு அடிக்கல் நாட்டினார் பிரதமர் மோடி..: புகைப்படத்தொகுப்பு

  • ayothikkk1

    மின் விளக்குகளால் ஜொலிக்கும் அயோத்தி: ராமர் கோயில் பூமி பூஜைக்காக ஏற்பாடு தீவிரம்

  • italy_96611

    வயது என்பது மனதிற்கே... சாதிக்க தடையில்லை...96 வயதில் பட்டம் பெற்று அசத்திய முதியவர்!!

  • umilneer11

    உமிழ்நீரை வைத்து கொரோனா வைரஸை கண்டறிய , ராணுவ நாய்களுக்கு ஜெர்மன் ராணுவம் பயிற்சி!!

  • 25-07-2020

    25-07-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்