SUN குழுமத்திலிருந்து வெளிவரும் காலை நாளிதழ்

மகளை பாதுகாப்பாக அனுப்ப 20 லட்சத்தில் தனி விமானம்: ம.பி.யில் மதுபான அதிபர் பாசம்

2020-05-29@ 03:17:35

போபால்: கொரோனா தொற்று பரவுவதை தடுக்கும் விதமாக நாடு முழுவதும் ஊரடங்கு அமல்படுத்தப்பட்டு உள்ளது. இதனால், வெளிமாநிலங்களில் சிக்கி தவிக்கும் தொழிலாளர்கள் சிறப்பு ரயில்கள், பஸ்களில் அடித்து பிடித்து சொந்த ஊர் செல்கின்றனர். பணம் இல்லாதவர்கள் கால்நடையாகவே சென்ற வண்ணம் உள்ளனர். ஆனால், மத்திய பிரதேசத்தை சேர்ந்த மதுபான அதிபர் ஒருவர், தனது மகள் உள்பட 4 பேர் கொரோனாவிடம் சிக்காமல் பாதுகாப்பாக பயணம் செய்வதற்காக 180 பேர் பயணம் செய்யக் கூடிய தனியார் விமானத்ைத வாடகைக்கு அமர்த்தியுள்ளார். மத்திய பிரதேசத்தை சேர்ந்த அந்த தொழிலதிபரின் மகள், டெல்லியில் வசித்து வருகிறார். அந்த பெண்ணுக்கு 2 குழந்தைகள் உள்ளனர். அவர்களை பராமரிக்க பணிப்பெண் ஒருவர் உள்ளார். கொரோனா ஊரடங்குக்கு முன் போபால் வந்திருந்த மகள் உள்ளிட்ட 4 பேரும், டெல்லி திரும்ப முடியாமல் கடந்த 2 மாதங்களாக தவித்தனர்.

தொடர்ந்து போக்குவரத்துக்கு அரசு அனுமதி வழங்காத நிலையில், கடந்த திங்கட்கிழமை முதல் உள்நாட்டு விமான போக்குவரத்து தொடங்கியது. இதையடுத்து, மதுபான அதிபர் தனி விமானம் ஒன்றை, மகள் பாதுகாப்பாக பயணம் செய்வதற்காக ரூ.20 லட்சம் பேசி வாடகைக்கு அமர்த்தினார். இதையடுத்து, 180 பேர் அமரக்கூடிய அந்த விமானம் கடந்த 25ம் தேதி டெல்லியில் இருந்து விமான ஊழியர்களுடன் போபால் வந்தது.பின்னர், அங்கிருந்து மதுபான அதிபரின் மகள், அவரது 2 குழந்தைகள், பணிப்பெண் என 4 பேருடன் மீண்டும் டெல்லி சென்றது.

மேலும் செய்திகள்

Like Us on Facebook Dinkaran Daily News
  • indonesia-deaths-5

    இந்தோனேசியாவை பாடாய்படுத்தும் கொரோனா...அதிகரிக்கும் மரணங்கள்...1 லட்சத்தை கடந்த உயிரிழப்பு..!!

  • train-acci-5

    செக் குடியரசில் 2 ரயில்கள் நேருக்கு நேர் மோதி விபத்து!: 3 பேர் உயிரிழப்பு..50க்கும் மேற்பட்டோர் காயம்..!!

  • petrol,disel-4

    எரிபொருள் விலை உயர்வை கண்டித்து நாடாளுமன்றம் நோக்கி எதிர்க்கட்சி தலைவர்கள் சைக்கிள் பேரணி!: புகைப்படங்கள்

  • kalingar-pic-3

    காலம் பொன் போன்றது... கடமை கண் போன்றது!: தமிழக சட்டப்பேரவைவில் கலைஞர் கருணாநிதியின் திருவுருவப்படம் திறப்பு..புகைப்படங்கள்..!!

  • turkey-fire-3

    துருக்கியில் அதிதீவிரமாக பரவி வரும் காட்டுத்தீயால் ஒரு நகரமே கருகியது!: ஆயிரக்கணக்கானோர் வீடுகளை இழந்து பரிதவிப்பு..!!

படங்கள் வீடியோ கல்வி சினிமா ஜோ‌திட‌ம்