SUN குழுமத்திலிருந்து வெளிவரும் காலை நாளிதழ்

கொரோனா வைரஸ் பரவலை கட்டுப்படுத்த இங்கிலாந்தில் புது வித ஊரடங்கு 50 நாள் முடக்கம்; 30 நாள் தளர்வு: ஆராய்ச்சியாளர்கள் புதிய வழிமுறை

2020-05-22@ 00:41:52

லண்டன்: கொரோனா நோய் தொற்று பரவலை கட்டுப்படுத்தும் வகையில் 50 நாட்கள் ஊரடங்கு மற்றும் 30 நாட்கள் தளர்வை அமல்படுத்தலாம் என்ற புதிய வழிமுறையை இங்கிலாந்து விஞ்ஞானிகள் கண்டுபிடித்துள்ளனர். இங்கிலாந்தில் கொரோனா வைரஸ் தொற்று காரணமாக 2,48,818 பேர் பாதிக்கப்பட்டுள்ளனர். தொற்று பாதிக்கப்பட்ட 35ஆயிரத்துக்கும் மேற்பட்டோர் உயிரிழந்துள்ளனர். இதனை தொடர்ந்து ஊரடங்கில் பல்வேறு தளர்வுகளை பிரதமர் போரீஸ் ஜான்சன் அறிவித்து வருகின்றார். இந்நிலையில் நாட்டில் கொரோனா வைரஸ் தொற்று பரவலை கட்டுப்படுத்துவதற்காக குறிப்பிட்ட நாட்கள் ஊரடங்கு மற்றும் குறிப்பிட்ட நாட்கள் தளர்வு என்ற புதிய வழிமுறையை இங்கிலாந்து ஆராய்ச்சியாளர்கள் பரிந்துரை செய்துள்ளனர்.

கேம்பிரிட்ஜ் பல்கலைக்கழகத்தை சேர்ந்த ஆராய்ச்சியாளர்கள் கொரோனா வைரஸ் நோயை கட்டுப்படுத்துவதற்கான புதிய வழிமுறைகள் குறித்து ஆய்வு மேற்கொண்டனர்.
இதில் தொடர் ஊரடங்கை காட்டிலும் இடைவெளிவிட்ட ஊரடங்கை அமல்படுத்தலாம் என ஆராய்ச்சியாளர்கள் அறிவுறுத்தி உள்ளனர். இதுகுறித்து ஆராய்ச்சிக்கு தலைமையேற்ற ராஜிவ் சவுத்ரி கூறியதாவது:50 நாட்கள் ஊரடங்குக்கு பின்னர், 30 நாட்கள் தளர்வு அளிக்கப்படவேண்டும், ஊரடங்கு மற்றும் தளர்வுகள் என மாறி மாறி நடைமுறைப்படுத்துவதன் மூலம் நோய் தொற்றை கட்டுப்படுத்தி நோய் பரவலை முறிக்க முடியும்.

அதே நேரத்தில் கொரோனா நோய் தொற்று சோதனை, தொற்று பாதிக்கப்பட்டோருடனான தொடர்பை கண்டறிதல், தனிமைப்படுத்தல் உள்ளிட்ட நடவடிக்கைகள் தொடர வேண்டும். இதன் மூலமாக நோய் பரவலை கட்டுப்படுத்துவதோடு, வேலையிழப்பு, பொருளாதார சரிவு உள்ளிட்டவற்றையும் தவிர்க்க முடியும் என்றார்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்