SUN குழுமத்திலிருந்து வெளிவரும் காலை நாளிதழ்

திருமங்கலத்தில் ஒரு நாள் முழுவதும் ரயில்வேகேட் அடைப்பு: பொதுமக்கள் அவதி

2020-05-16@ 11:46:01

திருமங்கலம்: பராமரிப்பு பணிக்காக நேற்று காலை முதல் மாலை வரை திருமங்கலம் ரயில்வே கேட் மூடப்பட்டதால் பொதுமக்கள் அவதிக்குள்ளாகினர். மதுரை திருமங்கலம் ரயில்வே ஸ்டேஷன் அருகே கற்பகம் நகர் செல்லும் ரோட்டில் ரயில்வே கேட் அமைந்துள்ளது. தற்போது பயணிகள் ரயில்கள் ஓடாத நிலையில் சரக்குரயில்கள் மட்டும் செல்தால் தினசரி ஓரிரண்டு முறை மட்டுமே கேட் மூடப்பட்டு வந்தது. இந்த நிலையில் நேற்று கற்பகம் நகர் ரயில்வே கேட் பகுதியில் தண்டவாள பராமரிப்பு பணிக்காக காலை 8 மணிமுதல் மாலை 6 மணிவரையில் ரயில்வே கேட் மூடப்பட்டது. இதுகுறித்து பொதுமக்களுக்கு முறையான அறிவுப்புகள் எதுவும் செய்யாமல் மூடப்பட்டதால் ரயில்வே கேட்டினை தாண்டியுள்ள கற்பகம்நகர், காமராஜபுரம், சோணைமீனாநகர், ஆறுமுகம் வடக்குதெரு மற்றும் சுங்குராம்பட்டி, விடத்தகுளம் பகுதி பொதுமக்கள் அவதிக்குள்ளாகினர்.

 கொரோனா பாதிப்பு காரணமாக கட்டுபடுத்தப்பட்ட பகுதியாக அறிவிக்கப்பட்ட திருமங்கலம் நகரில் கடந்த சில தினங்களாகதான் கடைகள், வணிகநிறுவனங்கள் திறக்க அனுமதி வழங்கப்பட்டுள்ள நிலையில் ஒருநாள் பகல் முழுவதும் ரயில்வே கேட் அடைக்கப்பட்டதால் கற்பகம்நகர், காமராஜர்புரம் பகுதிமக்கள் பாண்டியன் நகர் வழியாக சுமார் இரண்டு கி.மீ தூரம் சுற்றி நகருக்குள் வந்து செல்லவேண்டிய நிலை இருந்ததால் சிரமத்திற்குள்ளாகினர். இதுகுறித்து பொதுமக்கள் கூறுகையில், கடந்த வாரம் வரையில் திருமங்கலத்தில் கடுமையான ஊரடங்கு அமலில் இருந்தபோது இதுபோன்ற தண்டவாள பணிகளை மேற்கொண்டிருக்கலாம். ஊரடங்கில் சில தளர்வுகள் அறிவிக்கப்பட்டுள்ள நிலையில் நேற்று ஒருநாள் காலைமுதல் மாலை வரையில் ரயில்வே கேட் மூடப்பட்டிருந்ததால் அத்தியாவசிய பணிக்காக கூட வெளியே செல்ல சுற்றிச் செல்ல வேண்டியிருந்தது’’ என்றனர்.


மேலும் செய்திகள்

Like Us on Facebook Dinkaran Daily News
  • dmk28

    புதிய வேளாண் சட்டங்களை எதிர்த்து தி.மு.க தலைமையில் தோழமைக் கட்சிகள் தமிழகம் முழுவதும் போராட்டம்: காஞ்சியில் ஸ்டாலின் பங்கேற்பு..!!

  • india-jappan28

    வடக்கு அரபிக் கடற்பகுதியில் இந்திய - ஜப்பானிய கடற்படையினர் கூட்டாகப் போர் பயிற்சி!: புகைப்படங்கள்

  • soldier28

    தென் கொரியா உடனான போரில் உயிர் தியாகம் செய்த 117 சீன வீரர்களின் அஸ்தி சீனாவிடம் ஒப்படைப்பு!: புகைப்படங்கள்

  • balaji28

    திருப்பதி ஏழுமலையான் கோயிலில் பிரம்மோற்சவம் நிறைவு!: பால், தயிர், தேன் கொண்டு சக்கரத்தாழ்வாருக்கு தீர்த்தவாரி..!!

  • ukraine28

    உக்ரைனில் கோர விபத்து: ராணுவ விமானம் தரையில் விழுந்து தீப்பிடித்ததில் 25 பேர் உடல் கருகி பலி..புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்