SUN குழுமத்திலிருந்து வெளிவரும் காலை நாளிதழ்

கொரோனா வைரஸ் பரவல் எதிரொலி கைதிகளை உறவினர்கள் சந்திக்க 30ம் தேதி வரை தடை நீட்டிப்பு: சிறைத்துறை அதிகாரிகள் தகவல்

2020-04-12@ 09:43:35

வேலூர்: கொரோனா வைரஸ் பரவல் எதிரொலியால் தமிழக சிறைகளில் கைதிகளை உறவினர்கள் சந்திக்க தடை வருகிற 30ம் தேதி வரை நீட்டிக்கப்பட்டுள்ளதாக அதிகாரிகள் தெரிவித்தனர். தமிழகத்தில் 9 மத்திய சிறைகள், பெண்களுக்கான 5 தனிச்சிறைகள், 9 மாவட்ட சிறைகள், 88 ஆண்களுக்கான கிளைச் சிறைகள், 8 பெண்கள் கிளைச் சிறைகள், ஆண்களுக்கான 2 தனி கிளைச்சிறைகள், 12 பார்ஸ்டல் பள்ளி, 3 திறந்தவெளிச் சிறை என மொத்தம் 138 சிறைகள் உள்ளது.  இங்குள்ள கைதிகளை உறவினர்கள் திங்கள் முதல் சனிக்கிழமை வரை சந்திக்க நேரம் ஒதுக்கீடு செய்யப்படுகிறது. முக்கிய குற்றவாளிகளை வாரத்தில் இரு நாட்கள் மட்டுமே உறவினர்கள் மற்றும் வழக்கறிஞர்கள் சந்திக்க அனுமதி அளிக்கப்படுகிறது. கொரோனா வைரஸ் பரவல் எதிரொலியாக கடந்த 18ம் தேதி முதல் சிறையில் கைதிகளை 2 வாரம் உறவினர்கள் மற்றும் வழக்கறிஞர்கள் சந்தித்து பேச தடை விதித்து சிறைத்துறை நிர்வாகம் உத்தரவிட்டது. தற்போது இந்த தடை வருகிற 30ம் தேதி வரை நீட்டிக்கப்பட்டுள்ளது.

இதுகுறித்து சிறைத்துறை அதிகாரிகள் கூறியதாவது: தமிழகம் முழுவதும் உள்ள அனைத்து சிறைகளில் அடைக்கப்பட்டுள்ள விசாரணை கைதிகள் 2300க்கும் மேற்பட்டவர்கள் ஜாமீனில் விடுவிக்கப்பட்டுள்ளனர். மேலும் கைதிகள் மூலம் முகக்கவசங்கள் தயாரிக்கப்பட்டு வருகிறது. கொரோனா வைரஸின் தாக்கம் நாளுக்கு நாள் அதிகரித்து வருவதால் சிறையில் உள்ள கைதிகளை உறவினர்கள் மற்றும் வழக்கறிஞர்கள் சந்தித்து பேச வரும் 30ம் தேதி வரை தடை நீட்டிக்கப்பட்டுள்ளது.  சிறைகளில் கிருமி நாசினி தெளிக்கப்பட்டு தூய்மையாக வைக்கப்பட்டுள்ளது. இவ்வாறு அவர்கள் கூறினர்.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்