SUN குழுமத்திலிருந்து வெளிவரும் காலை நாளிதழ்

தோவாளை, சங்கரன்கோவில் மார்க்கெட் மூடல் கேந்தி பூ அறுவடை பாதிப்பு: செடியிலேயே கருகும் அவலம்

2020-04-03@ 12:16:13

களக்காடு: களக்காடு சுற்று வட்டார பகுதியில் பல விவசாயிகள் கேந்தி பூக்கள் பயிர் செய்திருந்தனர். இந்த  செடிகள், 40 நாட்களில் இருந்து 50 நாட்களுக்குள் பூக்கும் தன்மை கொண்டவை.  தற்போது செடிகளில் பூக்கள் மலரத் தொடங்கி உள்ளன. இவைகளை விவசாயிகள் பறித்து  குமரி மாவட்டம் தோவாளையில் உள்ள பூ  மார்க்கெட்டுக்கு கொண்டு சென்று விற்பனை செய்து வந்தனர். இந்நிலையில்  கொரோனா வைரஸ் தொற்றை தடுக்க மத்திய, மாநில அரசுகள் தடை உத்தரவு  பிறப்பித்துள்ளன. இதன் காரணமாக மாவட்ட எல்லைகள் மூடப்பட்டு, போலீஸ்  பாதுகாப்பு போடப்பட்டுள்ளது. கடைகளும் அடைக்கப்பட்டுள்ளன. இதுபோல கூட்டம்.  கூடுவதை தவிர்க்க தோவாளையில் உள்ள பூ மார்க்கெட்டும் மூடப்பட்டது.  இதையடுத்து பூக்களை அறுவடை செய்து விற்பனைக்கு கொண்டு செல்ல முடியாத நிலை  ஏற்பட்டுள்ளது. இதனால் பூக்கள் செடியிலேயே காய்ந்து நாசமாகி வருகின்றன.

 இதுகுறித்து விவசாயிகள் கூறுகையில், ‘பூக்களை அறுவடை செய்ய  முடியாததால் ஒரு ஏக்கரில் செடிகளை நட்டு வளர்க்க செலவு செய்த சுமார் ஒரு லட்சம் ரூபாய் நஷ்டம் ஏற்பட்டுள்ளது. எனவே அரசு உரிய கணக்கெடுப்பு நடத்தி இழப்பீடு வழங்க வேண்டும்’’ என்றனர்.இதேபோல் தென்காசி மாவட்டம் ஊத்துமலை அருகே பலபத்திரராமபுரம் கிராமத்தில் சுமார் 10 ஏக்கர் பரப்பளவில் பயிரிடப்பட்டு இருந்த கேந்தி பூக்கள் அறுவடைக்கு தயாராகி உள்ளன. இங்கிருந்து சங்கரன்கோவில் மார்க்கெட்டுக்கு பூக்கள் விற்பனைக்கு கொண்டு செல்லப்படுவது வழக்கம். ஊரடங்கு உத்தரவால் கேந்தி பூக்களை பறிக்க முடியாமல் செடியிலேயே விடும் நிலை ஏற்பட்டு உள்ளது. இதனால் இப்பகுதி விவசாயிகள் வாழ்வாதாரம் வெகுவாக பாதிக்கப்பட்டு உள்ளது.


மேலும் செய்திகள்

Like Us on Facebook Dinkaran Daily News
  • twins22

    தலை ஒட்டிப் பிறந்த இரட்டை சகோதரிகள் இனி தனித்தனியே!: அறுவை சிகிச்சைக்கு பின் சந்தோஷமாக நாடு திரும்பினர்..!!

  • mumbaitrain22

    7 மாதத்திற்கு பிறகு மும்பை மின்சார ரயிலில் பெண்கள் உற்சாக பயணம்!: 4 மகளிர் சிறப்பு ரயில்களும் இயக்கம்..!!

  • dinosauregg22

    பெரம்பலூரில் தோண்ட தோண்ட கிடைத்த ‘டைனோசர்’ முட்டைகள்!: ஒன்னு இல்ல ரெண்டு இல்ல.. ‘மிரள’ வைத்த எண்ணிக்கை..வியப்பில் பொதுமக்கள்..!!

  • locusts22

    எத்தியோப்பியாவில் வெட்டுக்கிளிகள் அட்டகாசம்!: 25 ஆண்டுகளில் இல்லாத அளவிற்கு உணவு பயிர்கள் நாசம்..விவசாயிகள் வேதனை..!!

  • rainbowtree22

    உலக பொறியாளர்களின் கவனத்தை ஈர்த்த பிலிப்பைன்ஸ் ரெயின்போ ட்ரீ டவர்!: கண்கவரும் புகைப்படங்கள்

படங்கள் வீடியோ கல்வி சினிமா ஜோ‌திட‌ம்