SUN குழுமத்திலிருந்து வெளிவரும் காலை நாளிதழ்

ஆஸ்திரேலிய ஓபன் டென்னிஸ் 2வது சுற்றில் ஏஞ்சலிக் கெர்பர் : ஷரபோவா வெளியேற்றம்

2020-01-22@ 05:31:29

மெல்போர்ன்: ஆஸ்திரேலிய ஓபன் கிராண்ட் ஸ்லாம் டென்னிஸ் தொடரின் மகளிர் ஒற்றையர் பிரிவு 2வது சுற்றில் விளையாட, ஜெர்மனி வீராங்கனை ஏஞ்சலிக் கெர்பர் தகுதி பெற்றார். முதல் சுற்றில் இத்தாலியின் எலிசபெத்தா கோக்சியரெட்டோவுடன் நேற்று மோதிய கெர்பர் 6-2, 6-2 என்ற நேர் செட்களில் வென்று 2வது சுற்றுக்கு முன்னேறினார். இப்போட்டி 1 மணி, 22 நிமிடத்தில் முடிவுக்கு வந்தது. மற்றொரு முதல் சுற்றில் 2வது ரேங்க் வீராங்கனை கரோலினா பிளிஸ்கோவா (செக்.) 6-1, 7-5 என்ற நேர் செட்களில் பிரான்சின் கிறிஸ்டினா மிளாடெனோவிச்சை வீழ்த்தினார்.
‘வைல்டு கார்டு’ சிறப்பு அனுமதி பெற்று களமிறங்கிய முன்னாள் நம்பர் 1 வீராங்கனை மரியா ஷரபோவா 3-6, 4-6 என்ற நேர் செட்களில் டோபா வேகிச்சிடம் (குரோஷியா) தோற்று ஏமாற்றத்துடன் வெளியேறினார். முன்னணி வீராங்கனைகள் பெலிண்டா பென்சிக் (சுவிஸ்), சிமோனா ஹாலெப் (ருமேனியா), மேடிசன் கீஸ் (அமெரிக்கா), எலினா ஸ்விடோலினா (உக்ரைன்), கார்பினி முகுருசா (ஸ்பெயின்) ஆகியோரும் 2வது சுற்றுக்கு முன்னேறி உள்ளனர்.

ஆண்கள் ஒற்றையர் பிரிவு முதல் சுற்றில் நம்பர் 1 வீரர் ரபேல் நடால் 6-2, 6-3, 6-0 என்ற நேர் செட்களில் பொலிவியாவின் ஹியூகோ டெல்லியனை எளிதாக வீழ்த்தினார். இந்தியாவின் பிரஜ்னேஷ் குணேஷ்வரன் தனது முதல் சுற்றில் 4-6, 2-6, 5-7 என்ற நேர் செட்களில் ஜப்பான் வீரர் டட்சுமா இடோவிடம் தோற்று வெளியேறினார். முன்னணி வீரர்கள் டானில் மெட்வதேவ் (ரஷ்யா), டொமினிக் தீம் (ஆஸ்திரியா), அலெக்சாண்டர் ஸ்வெரவ் (ஜெர்மனி), ஸ்டானிஸ்லாஸ் வாவ்ரிங்கா (சுவிஸ்), நிக் கிர்ஜியோஸ் (ஆஸி.), கேல் மான்பில்ஸ் (பிரான்ஸ்) ஆகியோரும் 2வது சுற்றுக்கு தகுதி பெற்றுள்ளனர்.

மேலும் செய்திகள்

Like Us on Facebook Dinkaran Daily News
  • 04-12-2020

    04-12-2020 இன்றைய சிறப்பு படங்கள்

  • rainpurevi111

    தமிழகத்தை மிரட்டும் புரெவி புயல்... கொட்டும் மழை; கொந்தளிக்கும் கடல் : சாலைகளில் சூழ்ந்த வெள்ளம்!!

  • radish3

    புவியீர்ப்பு சக்தியில்லாத சர்வதேச விண்வெளி நிலையத்தில் முள்ளங்கியை வெற்றிகரமாக வளர்த்த நாசா விஞ்ஞானிகள்!: புகைப்படங்கள்

  • farmers_proteeee11

    மத்திய அரசின் சட்டங்களை எதிர்த்து வீறுகொண்டெழுந்த விவசாயிகள்... டெல்லியில் 8வது நாளாக ஆவேச கோஷங்களை எழுப்பி போராட்டம்!!

  • 03-12-2020

    03-12-2020 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்