SUN குழுமத்திலிருந்து வெளிவரும் காலை நாளிதழ்

ரயில்வே தண்டவாளத்தில் வெட்டு காயங்களுடன் உயிருக்கு போராடிய சிறுவன் மீட்பு: ரவுடி கும்பலுக்கு வலை

2020-01-20@ 00:10:25

அம்பத்தூர்: அம்பத்தூர் ரயில்வே மேம்பாலம் அருகில் தண்டவாளத்தில் வெட்டு காயங்களுடன் உயிருக்கு போராடிய சிறுவனை போலீசார் மீட்டு மருத்துவமனையில் சேர்த்தனர். மேலும், அவனை வெட்டிய ரவுடி கும்பலை தேடி வருகின்றனர். அம்பத்தூர் ரயில்வே மேம்பாலம் அருகில் தண்டவாள பகுதியில் நேற்று காலை ஒரு சிறுவன் வெட்டுக்காயங்களுடன் உயிருக்கு போராடிக் கொண்டிருந்தான். இதனை, ரயிலில் சென்ற பயணிகள் பார்த்து சென்னை காவல் கட்டுப்பாட்டு அறைக்கு தகவல் கொடுத்தனர். அதன்பேரில், ஆவடி ரயில்வே போலீசாரும், அம்பத்தூர் சட்டம் ஒழுங்கு பிரிவு போலீசாரும் சம்பவ இடத்திற்கு விரைந்து வந்தனர்.

அங்கு, ஒரு சிறுவன் கை, கால், முகம் ஆகிய பகுதியில் வெட்டுக்காயங்களுடன் மயக்க நிலையில் கிடந்தான். உயிருக்கு போராடிய சிறுவனை மீட்டு 108 ஆம்புலன்ஸ் மூலம் கீழ்ப்பாக்கம் அரசு மருத்துவமனைக்கு அனுப்பி வைத்தனர். அங்கு டாக்டர்கள் அவனுக்கு தீவிர சிகிச்சை அளித்து வருகின்றனர். மேலும், போலீசார் விசாரணையில், வெட்டப்பட்ட சிறுவன் கொளத்தூர், மகாத்மா காந்தி நகர், 6வது குறுக்கு தெருவை சேர்ந்தவர் ஆதிகேசவன் (17) என்பது தெரியவந்தது. இவனுக்கும், அதே பகுதியை சேர்ந்த ஆட்டோ  பழனி என்பவருக்கும் இடையே முன்விரோதம் இருந்து வந்துள்ளது.

இந்நிலையில், நேற்று முன்தினம் நள்ளிரவு ஆதிகேசவனை, பழனி, அவரது நண்பர்கள் நைசாக பேசி, அம்பத்தூர் ரயில்வே தண்டவாள பகுதிக்கு அழைத்து வந்துள்ளனர். அங்கு, ஆதிகேசவனை, பழனி மற்றும் நண்பர்கள் சேர்ந்து சரமாரியாக வெட்டி உள்ளனர். இதில், அவன் இறந்ததாக கருதி ரயில்வே தண்டவாள பகுதியில் போட்டு விட்டு சென்றுள்ளனர். பின்னர், நேற்று காலையில் பார்த்த ரயில் பயணிகள் போலீசாருக்கு தகவல் தெரிவித்துள்ளனர். இதுகுறித்த புகாரின் அடிப்படையில் ஆவடி ரயில்வே போலீசார் வழக்குப்பதிவு செய்து ஆட்டோ பழனி, அவரது நண்பர்களான லோகு, சுரேஷ், அந்தோனி உள்ளிட்டோரை தேடி வருகின்றனர். அவர்களை பிடித்த பிறகு தான் ஆதிகேசவனை கொல்ல முயன்றது குறித்து காரணங்கள் தெரியவரும் என போலீசார் தெரிவித்தனர். இதில், பழனி மீது கொளத்தூர், புளியந்தோப்பு ஆகிய பகுதியில் குற்ற வழக்குகள் இருப்பதாக போலீசார் தெரிவித்தனர்.

மேலும் செய்திகள்

Like Us on Facebook Dinkaran Daily News Advertisement
Like Us on Facebook Dinkaran Daily News
  • chennaiheavy29

    வரலாறு காணாத மழையால் வெள்ளக்காடாய் காட்சியளிக்கும் சென்னை: விடிய விடிய கொட்டிய மழைநீரில் ஊர்ந்து செல்லும் வாகன ஓட்டிகள்..!!

  • carbomb28

    ஆப்கானிஸ்தானில் இருவேறு இடங்களில் நடந்த கார் வெடிகுண்டு தாக்குதல்: போலீசார், அப்பாவி பொதுமக்கள் உட்பட 8 பேர் உயிரிழப்பு..!!

  • molave28

    வியட்நாமில் கோரத்தாண்டவம் ஆடிய molave புயல்!: 13 லட்சத்திற்கும் அதிகமான மக்கள் பாதுகாப்பான இடங்களில் தஞ்சம்..!!

  • haryana28

    மதம் மாற மறுத்த இளம்பெண்..பட்டப்பகலில் துப்பாக்கியால் சுட்டு கொலை!: குற்றவாளிகள் மீது கடும் நடவடிக்கை எடுக்க கோரி பல இடங்களில் ஆர்ப்பாட்டம்..!!

  • water28

    தென் அமெரிக்காவில் 2,000 ஆண்டுக்களுக்கு முந்தைய மக்களான மயன் நாகரிகத்தினர் பயன்படுத்திய நீர் சுத்திகரிப்பு மையம் கண்டுபிடிப்பு: ஆச்சர்யத்தில் ஆய்வாளர்கள்..!!

படங்கள் வீடியோ கல்வி சினிமா ஜோ‌திட‌ம்