SUN குழுமத்திலிருந்து வெளிவரும் காலை நாளிதழ்

திடீரென நிறுத்தி வைக்கப்பட்ட முடிவு: புதுப்பாளையம் ஒன்றியக்குழு தலைவர் தேர்தலில் திமுக வெற்றி: கலெக்டர் அறிவிப்பு

2020-01-14@ 03:24:06

திருவண்ணாமலை: நிறுத்தி வைக்கப்பட்ட புதுப்பாளையம் ஒன்றியக்குழு தலைவர் தேர்தலில் திமுக வெற்றி பெற்றதாக கலெக்டர் அதிகாரப்பூர்வமாக அறிவித்தார். திருவண்ணாமலை மாவட்டம், புதுப்பாளையம் ஒன்றியக்குழு தலைவர் தேர்தல் கடந்த 11ம் தேதி நடந்தது. இதில் மொத்தமுள்ள 15 கவுன்சிலர்களும்  வாக்களித்தனர். அதில், திமுகவைச் சேர்ந்த சி.சுந்தரபாண்டியன், 10 வாக்குகள் பெற்று வெற்றி பெற்றார். அதிமுக சார்பில் போட்டியிட்ட ரமேஷ், 5 வாக்குகளை பெற்றார். இதை தேர்தல் நடத்திய அதிகாரி சபாநாயகம் அறிவித்தார். கூட்ட நடவடிக்கை பதிவேட்டிலும் குறிப்பிடப்பட்டு, தேர்தல் நடத்தும் அதிகாரி மற்றும் அனைத்து கவுன்சிலர்களும் கையெழுத்திட்டனர். இந்நிலையில், மேலிட அழுத்தம் காரணமாக, வெற்றி பெற்றதற்கான சான்றிதழ் வழங்காமல் தேர்தல் முடிவு நிறுத்தி வைக்கப்படுவதாக திடீரென அறிவிக்கப்பட்டது. அதேபோல், ஒன்றியக்குழு துணைத் தலைவர் தேர்தலும் ரத்து செய்யப்பட்டது.

இது குறித்து திமுக கவுன்சிலர்கள் மற்றும் ஆதரவாக வாக்களித்த சுயேட்சை கவுன்சிலர்கள் உள்பட 10 பேரும், திருவண்ணாமலை கலெக்டர் கந்தசாமியிடம் நேரில் முறையிட்டனர். தேர்தல் ஆணையத்தின் அனுமதி கிடைத்த பிறகே இது தொடர்பாக முடிவு எடுக்கப்படும் என கலெக்டர் தெரிவித்தார். இது ெதாடர்பாக சென்னை உயர்நீதிமன்றத்தில் வழக்கு தொடரப்படும் என முன்னாள் அமைச்சர் எ.வ.வேலு தெரிவித்தார். மேலும், மாநில தேர்தல் ஆணையத்திடமும் திமுக சார்பில் புகார் மனு அளிக்கப்பட்டது. இந்நிலையில், புதுப்பாளையம் ஒன்றியக்குழு தலைவர் தேர்தலில் நிறுத்தி வைக்கப்பட்ட முடிவை கலெக்டர் கந்தசாமி நேற்று அறிவித்தார். அதன்படி, திமுகவைச் சேர்ந்த சி.சுந்தரபாண்டியன், 10 வாக்குகள் பெற்று வெற்றி பெற்றதாக கூறி, வெற்றி சான்றும் அவரிடம் அளிக்கப்பட்டது.

இதுகுறித்து, கலெக்டர் கந்தசாமி கூறுகையில், கவுன்சிலர்கள் வாக்களித்ததில் தவறு நடந்ததாக கிடைத்த புகாரின் பேரில், முடிவு வெளியிடாமல் நிறுத்தி வைக்கப்பட்டது.  சிசிடிவி கேமரா பதிவுகள் ஆய்வு செய்யப்பட்டன. திமுகவுக்கு ஆதரவாக வாக்களித்ததாக 10 கவுன்சிலர்களும் நேரில் வந்து உறுதிப்படுத்தினர். எனவே, மாநில தேர்தல் ஆணையத்தின் வழிகாட்டுதல்படி, முடிவு அறிவிக்கப்பட்டது என்றார்.

மேலும் செய்திகள்

Advertisement
Like Us on Facebook Dinkaran Daily News
  • humanbodies23

    2,000 ஆண்டுகளுக்கு முன் எரிமலை வெடிப்பிலிருந்து தப்பிக்க முயன்ற 2 மனித உடல்கள் இத்தாலியில் கண்டுபிடிப்பு!: புகைப்படங்கள்

  • jammu23

    ஜம்மு காஷ்மீரில் நிலவும் கடுங்குளிர்!: தரை, வீடுகளின் கூரைகள், வாகனங்களின் மேற்பகுதி ஆகியவை பனி உறைந்து வெண்ணிறமாக காட்சி..!!

  • yamuna23

    இனவிருத்திக்காக யமுனை நதியில் கூட்டம் கூட்டமாக படையெடுக்கும் பறவைகள்!: சுற்றுலாப் பயணிகள் ஆர்வமுடன் கண்டு ரசிப்பு..!!

  • chadpuja23

    சூரிய கடவுளுக்கு நன்றி தெரிவிக்கும் சாத் பூஜை!: நியூ ஜெர்சியில் நூற்றுக்கணக்கான அமெரிக்க வாழ் இந்தியர்கள் வழிபாடு..!!

  • isrelviva23

    இப்படிக்கூட விவசாயம் செய்ய முடியுமா!: இஸ்ரேலில் வியக்க வைக்கும் செங்குத்து வேளாண்மை..புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்