SUN குழுமத்திலிருந்து வெளிவரும் காலை நாளிதழ்

5 நாட்கள் கூட்டு பயிற்சி சென்னை வந்தது ஜப்பான் ரோந்துகப்பல்: அதிகாரிகள், பள்ளி மாணவர்கள் உற்சாக வரவேற்பு

2020-01-14@ 01:06:02

சென்னை: இந்தியா-ஜப்பான் கடலோரகாவல் படையினர் கூட்டு பயிற்சி 5 நாட்கள் சென்னை கடற்பகுதியில் நடைபெறுகிறது. இதற்காக சென்னை துறைமுகத்துக்கு வந்த ஜப்பான் ரோந்துகப்பலுக்கு இந்திய கடலோர காவல்படை சார்பில் சிறப்பான வரவேற்பு அளிக்கப்பட்டது.இந்திய கடலோர காவல்படை மற்றும் ஜப்பான் கடலோர காவல்படை இணைந்து ஒவ்வொரு ஆண்டும் கூட்டுப்பயிற்சி மேற்கொள்வதென்று 2006ம் ஆண்டு புரிந்துணர்வு ஒப்பந்தம் செய்து கொள்ளப்பட்டது. இதுவரை 18 கூட்டுப் பயிற்சிகள் நடந்துள்ளன. கடந்த ஆண்டு இந்த கூட்டுப் பயிற்சி ஜப்பானில் நடைபெற்றதை தொடர்ந்து இந்த ஆண்டு சென்னையில் நடைபெறுகிறது.இதற்காக ஜப்பான் கடலோர காவல் படைக்கு சொந்தமான ‘ஏசிக்கோ’ என்ற கப்பல் நேற்று சென்னை துறைமுகத்தை வந்தடைந்தது. அப்போது இந்திய கடலோர காவல் படை கிழக்கு பிராந்தியத்தை சேர்ந்த உயர் அதிகாரிகள் சார்பில் ஜப்பான் கப்பலுக்கு சிறப்பான வரவேற்பு அளிக்கப்பட்டது. இந்த கப்பலின் கேப்டன் கொய்சோ கர்டா தலைமையில் 60 பேர் கொண்ட குழு இந்த கூட்டு பயிற்சியில் ஈடுபட உள்ளது.

13ம்தேதி முதல் 17ம்தேதி வரை நடைபெறும் இந்த கூட்டுப்பயிற்சியில் கடலோர பாதுகாப்பு, எல்லை பாதுகாப்பு மற்றும் இருநாட்டு ராணுவங்களின் ஒத்துழைப்பு தொடர்பான பல்வேறு நிகழ்ச்சிகள் நடத்த திட்டமிடப்பட்டுள்ளது. மேலும் இருநாட்டு கப்பல்களும் இணைந்து 16ம்தேதி ‘சாயோக் கஜின்’ என்ற பெயரில் நடுக்கடலில் கூட்டுப் பயிற்சி மேற்கொள்ள உள்ளனர். இந்த கூட்டுப் பயிற்சிக்காக வருகை தந்த கேப்டன் ெகாய்சோ கர்டா கூறுகையில், ‘‘இந்திய கடலோர காவல் படை எங்களை பாதுகாப்பாக அழைத்து வந்தனர். கடலோர காவல் படையினர் மற்றும் குழந்தைகள் இணைந்து உற்சாக வரவேற்பளித்தனர். அது மனத்துக்கு மகிழ்ச்சியாக இருந்தது. 5 நாட்கள் நடைபெறும் கூட்டுப் பயிற்சியில் கடல் கொள்ளையை தடுப்பது, கடல்சார் சட்டத்தை அமல்படுத்துவது உள்ளிட்ட முக்கியமானவைகள் குறித்து இருநாட்டு வீரர்களும் இணைந்து பயிற்சி மேற்கொள்ள உள்ளனர்” என்றார். இந்நிகழ்ச்சியில், ஜப்பான் துணை தூதர் கொஜ்ரோ உச்சி மாயா, கொஜ்ேரா மோடி, இந்தியா மற்றும் கடலோர காவல் படைச் சேர்ந்த உயர் அதிகாரிகள் ஆகியோர் கலந்து கொண்டனர்.

மேலும் செய்திகள்

Advertisement
Like Us on Facebook Dinkaran Daily News
  • humanbodies23

    2,000 ஆண்டுகளுக்கு முன் எரிமலை வெடிப்பிலிருந்து தப்பிக்க முயன்ற 2 மனித உடல்கள் இத்தாலியில் கண்டுபிடிப்பு!: புகைப்படங்கள்

  • jammu23

    ஜம்மு காஷ்மீரில் நிலவும் கடுங்குளிர்!: தரை, வீடுகளின் கூரைகள், வாகனங்களின் மேற்பகுதி ஆகியவை பனி உறைந்து வெண்ணிறமாக காட்சி..!!

  • yamuna23

    இனவிருத்திக்காக யமுனை நதியில் கூட்டம் கூட்டமாக படையெடுக்கும் பறவைகள்!: சுற்றுலாப் பயணிகள் ஆர்வமுடன் கண்டு ரசிப்பு..!!

  • chadpuja23

    சூரிய கடவுளுக்கு நன்றி தெரிவிக்கும் சாத் பூஜை!: நியூ ஜெர்சியில் நூற்றுக்கணக்கான அமெரிக்க வாழ் இந்தியர்கள் வழிபாடு..!!

  • isrelviva23

    இப்படிக்கூட விவசாயம் செய்ய முடியுமா!: இஸ்ரேலில் வியக்க வைக்கும் செங்குத்து வேளாண்மை..புகைப்படங்கள்..!!

படங்கள் வீடியோ கல்வி சினிமா ஜோ‌திட‌ம்