SUN குழுமத்திலிருந்து வெளிவரும் காலை நாளிதழ்

குடியுரிமை சட்டத்திற்கு ஆதரவு தெரிவித்த பகுஜன் சமாஜ் கட்சியின் பெண் எம்.எல்.ஏ. நீக்கம்: மாயாவதி தனது ட்விட்டர் பக்கத்தில் அறிவிப்பு

2019-12-29@ 18:54:00

லக்னோ: குடியுரிமை சட்டத்தை ஆதரித்த பதாரியா தொகுதி பெண் எம்எல்ஏ ரமாபாய் பிரிஹார் கட்சியிலிருந்து நீக்கம் செய்யப்பட்டார். கட்சி நிகழ்ச்சிகளிலும் ரமாபாய் பங்கேற்கத் தடை விதிக்கப்பட்டுள்ளதாக மாயாவதி அறிவித்துள்ளார். குடியுரிமை திருத்தச் சட்டத்தை எதிர்த்து சில கட்சிகள் போராட்டம் நடத்தியது. அதில், பகுஜன் சமாஜ் கட்சியும் எதிர்ப்பு தெரிவித்து பாராளுமன்றத்தில் எதிராக ஓட்டளித்தது. கடந்த வாரம் ஜனாதிபதி ராம்நாத் கோவிந்தை சந்தித்த அக்கட்சியினர் குடியுரிமை சட்டம், அரசியலமைப்பு பிரிவு 14, 21-க்கு எதிரானது எனவும், இந்த சட்டத்தை திரும்பப்பெற வேண்டும் எனவும் வலியுறுத்தினர்.

இதற்கிடையே மத்திய பிரதேச மாநிலம் பதேரியா தொகுதி அக்கட்சி எம்எல்ஏ. ராமாபாய் பரிஹார் ஒரு கூட்டத்தில் பேசும்போது; குடியுரிமை சட்டத்தை சுமூகமாக அமல்படுத்தியதற்காக பிரதமர் மோடி மற்றும் அமித்ஷாவிற்கு நன்றியை தெரிவித்துக்கொள்கிறேன். இந்த சிறந்த முடிவை முன்னதாகவே எடுத்திருக்கவேண்டும். கடந்த காலங்களில் அதிகாரத்தில் இருப்பவர்கள் அத்தகைய முடிவை எடுக்க தகுதியற்றவர்கள் என தெரிகிறது. நானும் எனது குடும்பத்தினரும் குடியுரிமை திருத்தச் சட்டத்தை ஆதரிக்கிறோம் என பேசியிருந்தார்.

இதைத்தொடர்ந்து தலைமையின் கட்டுப்பாட்டை மீறிய வகையில் செயல்பட்டதால் பகுஜன் சமாஜ் கட்சியில் இருந்து ரமாபாய் பரிஹார் நீக்கப்பட்டதாகவும் அவர் கட்சி தொடர்புடைய நிகழ்ச்சிகளில் பங்கேற்க தடை விதிக்கப்பட்டுள்ளதாகவும் மாயவதி தனது டுவிட்டர் பக்கத்தில் இன்று அறிவித்துள்ளார். இதுகுறித்து அவர் கூறியதாவது; எம்.பி., எம்.எல்.ஏ., என யாராக இருந்தாலும், நடவடிக்கை எடுக்கப்படும். பதேரியா தொகுதியின் எம்.எல்.ஏ., ராமாபாய் பரிஹார் குடியுரிமை திருத்தச் சட்டத்தை ஆதரித்ததால் சஸ்பெண்ட் செய்யப்படுகிறார் எனவும் தெரிவித்துள்ளார்.

மேலும் செய்திகள்

Like Us on Facebook Dinkaran Daily News
  • niger-scl-15

    நைஜரில் பள்ளியில் ஏற்பட்ட தீயின் கோரப்பிடியில் சிக்கி 20 மாணவர்கள் உடல் கருகி பரிதாப பலி..!!

  • maharastra-15

    தீவிரமடையும் கொரோனா பரவலால் மஹாராஷ்டிராவில் முழு ஊரடங்கு!: மூட்டை முடிச்சுகளுடன் வெளியேறிய புலம்பெயர் தொழிலாளர்களின் புகைப்படங்கள்..!!

  • 15-04-2021

    22-11-2018 இன்றைய சிறப்பு படங்கள்

  • 15-04-2021

    15-04-2021 இன்றைய சிறப்பு படங்கள்

  • singapore-door-robot

    சிங்கப்பூரில் புது முயற்சி!: நீங்க ஆர்டர் செய்தால் போதும் மளிகை பொருட்களை வீட்டிற்கு டோர் டெலிவரி செய்யும் ரோபோ அறிமுகம்..!!

படங்கள் வீடியோ கல்வி சினிமா ஜோ‌திட‌ம்