SUN குழுமத்திலிருந்து வெளிவரும் காலை நாளிதழ்

கீழடியில் 5ம் கட்ட அகழாய்வு பணிகள் முடிந்த நிலையில் நில உரிமையாளர்கள் விவசாயம்: உளுந்து, சோளம், நிலக்கடலை பயிரிடப்பட்டுள்ளன!

2019-12-11@ 12:36:36

சிவகங்கை: கீழடியில் அகழாய்வு பணி நடந்த நிலத்தில், அதன் உரிமையாளர்கள் விவசாய பணிகளை மேற்கொண்டுள்ளனர். கீழடியில் கடந்த ஜூன் 13ம் நாள் தொடங்கிய 5ம் கட்ட தொல்லியல் பணிகள் அக்டோபர் 3ம் தேதியுடன் நிறைவுபெற்றன. மொத்தம் 52 குழிகள் தோண்டப்பட்டு வட்டப்பானை, தண்ணீர் தொட்டி, கால்வாய், சுடுமண் குழாய் உள்ளிட்ட 900க்கும் மேற்பட்ட பொருட்கள் கண்டறியப்பட்டுள்ளன. பணி முடிந்த பின் குழிகள் மூடப்பட்டு நில உரிமையாளர்களிடம் ஒப்படைக்கப்பட்டது. அகழாய்வுக்கு தோண்டப்பட்ட குழிகள் மூடப்பட்டதை அடுத்து, நிலத்தின் உரிமையாளர்கள் முருகேசன், நீதியம்மாள், மாரியம்மாள் ஆகியோர் உளுந்து, சோளம் மற்றும் நிலக்கடலை உள்ளிட்டவற்றை பயிரிட்டுள்ளனர். சமீபத்திய மழையால் இவை பசுமையாக காட்சியளிக்கின்றன.

அகழாய்வு பணிகள் முடிவுபெற்ற போதிலும், அந்த இடத்தை காண சுற்றுலா பயணிகள் தொடர்ந்து வருவதாக அவர்கள் தெரிவித்துள்ளனர். இந்நிலையில், கீழடியில் 6ம் கட்ட அகழாய்வு பணிகள் ஜனவரி இறுதியில் தொடங்கும் என எதிர்பார்க்கப்படுகிறது. சிவகங்கை மாவட்டம் திருப்புவனம் அடுத்த பள்ளிசந்தைபுதூர் பகுதியில், கடந்த 2015ம் ஆண்டு மத்திய தொல்லியல் துறை சார்பில் அகழ்வாராய்ச்சி பணிகள் நடைபெற்றன. முதல்கட்ட ஆய்வில் பண்டைய தமிழர்கள் பயன்படுத்திய மண் பானை ஓடுகள், ஆயுதங்கள் உள்ளிட்ட சுமார் 6,000 பொருட்கள் கிடைத்தன. இதையடுத்து 2016-17ம் ஆண்டுகளில் 2வது, 3வது கட்ட அகழாய்வு பணிகள் நடைபெற்றன. இதன்மூலம் வைகை ஆற்றின் கரையில் தமிழர்கள் நகரங்கள் அமைத்து வாழ்ந்ததற்கான ஆதாரங்கள் கிடைத்தன. இதையடுத்து 4 மற்றும் 5ம் கட்ட அகழாய்வுகள் நடத்தப்பட்டது குறிப்பிடத்தக்கது.

மேலும் செய்திகள்

Like Us on Facebook Dinkaran Daily News
  • ramukudi

    குடியரசு தின விழாவில் பாரம்பரியத்தை பறைசாற்றும் கண்கவர் நிகழ்ச்சிகள் :மாமல்லபுரம் கடற்கரை கோவில், ராமர் கோவில் அலங்கார ஊர்திகள் பங்கேற்பு!!

  • autoooo_maaa

    சாலைகளில் படுத்து மறியல்... மாட்டு வண்டி, டிராக்டர்கள், ஆட்டோக்களில் பேரணி : விவசாயிகளுக்கு ஆதரவாக தமிழர்கள் ஆவேசப் போராட்டம்!!

  • vilaaaa_neeemm

    அலங்கார ஊர்திகளின் அணிவகுப்பு, சாகசங்கள், பாரம்பரிய நடனங்களோடு குடியரசு தின விழா கோலாகலம் : விழாக்கோலம் பூண்டது மெரினா!!

  • 26-01-2021

    26-01-2021 இன்றைய சிறப்பு படங்கள்

  • sun-dong25

    அற்புதங்களை கண்டு ரசிக்க 2 கண்கள் போதாது!: விஞ்ஞானிகளால் கூட நம்ப முடியாத சன் டூங் குகையின் ஆச்சரிய படங்கள்..!!

படங்கள் வீடியோ கல்வி சினிமா ஜோ‌திட‌ம்